Mutual Funds: ఐదు బెస్ట్ డివిడెండ్ యీల్డ్స్ మ్యూచువల్ ఫండ్స్

థీమాటిక్ ఫండ్స్ మ్యూచువల్ ఫండ్స్ నిర్దిష్ట థీమ్‌కు సంబంధించిన స్టాక్స్‌లో ఇన్వెస్ట్ చేస్తాయి. ఈ ఫండ్స్ సెక్టోరియల్ ఫండ్స్ కంటే చాలా వైవిధ్యభరితంగా ఉంటాయి. ఎందుకంటే అవి ఒక సాధారణ థీమ్ ద్వారా లింక్ చేయబడిన సంస్థలు, రంగాలలో పెట్టుబడులు పెడతాయి. ఈ ఫండ్స్ ప్రధానంగా డివిడెండ్ చెల్లించే ఈక్విటీలలో పెట్టుబడి పెడతాయి. సకాలంలో డివిడెండ్స్ చెల్లించిన చరిత్ర కలిగిన కంపెనీలకు ఇది ప్రాధాన్యతను ఇస్తుంది. కొన్ని డివిడెండ్స్ చూడండి....

యూటీఐ డివిడెండ్ యీల్డ్స్ ఫండ్ డైరెక్ట్ గ్రోత్

యూటీఐ డివిడెండ్ యీల్డ్స్ ఫండ్ డైరెక్ట్ గ్రోత్ అసెట్స్ రూ.3,177 కోట్లు. ఫండ్స్ ఎక్స్‌పెన్స్ రేషియో 1.49 శాతంగా ఉంది. యూటీఐ డివిడెండ్ యీల్డ్ ఫండ్ డైరెక్ట్ గ్రోత్ పైన వన్ ఇయర్ రిటర్న్స్ 73.55 శాతంగా ఉంది. ఇది ప్రారంభమైనప్పటి నుండి ఏడాదికి సగటు రిటర్న్స్ 14.68 శాతంగా ఉంది. ఇన్ఫోసిస్ లిమిటెడ్, టెక్ మహీంద్రా లిమిటెడ్, ఎంపయాసిస్ లిమిటెడ్, హిందూస్తాన్ యూనీలీవర్ లిమిటెడ్, ఐటీసీ లిమిటెడ్ టాప్ ఫైవ్ హోల్డింగ్స్.

టెంపుల్టన్ ఇండియా ఈక్విటీ ఇన్‌కం ఫండ్ గ్రోత్

టెంపుల్టన్ ఇండియా ఈక్విటీ ఇన్‌కం ఫండ్ గ్రోత్ ఏఎంయూ రూ.1,169 కోట్లు. ఫండ్ కాస్ట్ రేషియో 2.31 శాతం. టెంపుల్టన్ ఇండియా ఈక్విటీ ఇన్‌కం ఫండ్ ఏడాది గ్రోత్ రేట్ 76.40 శాతంగా ఉంది. ఈ ఫండ్ ప్రారంభమైనప్పటి నుండి సగటున 14.26 శాతం రిటర్న్స్ అందించింది. టెంపుల్టన్ ఇండియా ఈక్విటీ ఆదాయ ఫండ్ ఎన్ఏవీ సెప్టెంబర్ 24, 2021 నాటికి 77.58గా ఉంది.

ప్రిన్సిపల్ డివిడెండ్ యీల్డ్స్ ఫండ్

ప్రిన్సిపల్ డివిడెండ్ యీల్డ్స్ ఫండ్ డైరెక్ట్ గ్రోత్ టోటల్ అసెట్ అండర్ మేనేజ్‌మెంట్ రూ.238 కోట్లు. ఫండ్ కాస్ట్ రేషియో 2.15 శాతం. థీమాటిక్ డివిడెండ్ యీల్డ్స్ ఫండ్స్ సగటు రిటర్న్స్ కంటే ఇది ఎక్కువ. ఏడాది రిటర్న్స్ 67.25 శాతంగా ఉంది. ఇది ప్రారంభమైనప్పటి నుండి సగటున ఏడాదికి 15.09 శాతంగా ఉంది.

ఐసీఐసీఐ ప్రుడెన్షియల్ డివిడెండ్ యీల్డ్స్ ఈక్విటీ ఫండ్

ఐసీఐసీఐ ప్రుడెన్షియల్ డివిడెండ్ యీల్డ్స్ ఈక్విటీ ఫండ్ గ్రోత్ అసెట్ అండర్ మేనేజ్‌మెంట్ రూ.446 కోట్లు. ఇది మీడియం సైజ్ ఫండ్ కేటగిరీకి చెందినది. ఫండ్ కాస్ట్ రేషియో 2.83 శాతం. ఐసీఐసీఐ ప్రుడెన్షియల్ డివిడెండ్ యీల్డ్స్ ఈక్విటీ ఫండ్ గత ఏడాది రిటర్న్స్ 80.17 శాతంగా ఉంది. ఇది ప్రారంభమైనప్పటి నుండి సగటున ఏడాదికి 13.73 శాతంగా ఉంది.

ఆదిత్య బిర్లా సన్ లైఫ్ డివిడెండ్ యీల్డ్స్ ఫండ్

ఆదిత్య బిర్లా సన్ లైఫ్ డివిడెండ్ యీల్డ్స్ ఫండ్ గ్రోత్ అసెట్ అండర్ మేనేజ్‌మెంట్ రూ.865 కోట్లు. మీడియం సైజ్డ్ ఫండ్ కేటగిరీ. ఫండ్ కాస్ట్ రేషియో 2.44 శాతం. ఆదిత్య బిర్లా సన్ లైఫ్ డివిడెండ్ యీల్డ్స్ ఫండ్ ఏడాది గ్రోత్ రేట్ 62.81 శాతంగా ఉంది. ఇది ప్రారంభమైనప్పటి నుండి సగటున 19.00 శాతంగా ఉంది. ఫండ్స్, స్టాక్ మార్కెట్లలో పెట్టుబడులు రిస్క్‌తో కూడుకున్నది. వీటిలో ఇన్వెస్ట్ చేసినప్పుడు పూర్తిగా అవగాహన చేసుకొని, ఇన్వెస్ట్ చేయాలి. ఈ పెట్టుబడులు మార్కెట్ ఆధారిత రిటర్న్స్ ఇస్తాయి. నిపుణుల సలహాలు, మార్కెట్ పైన అవగాహనతో పెట్టుబడి పెట్టడం మంచిది.