బ్యాంక్ ఆఫ్ బరోడా వేరబుల్ ప్రోడక్ట్స్, రూ.5000 వరకు చెల్లింపులు
ప్రభుత్వరంగ స్టేట్ బ్యాంక్ ఆఫ్ బరోడా(BOB) సోమవారం నాడు వేరబుల్ ప్రోడక్ట్స్ను లాంచ్ చేసింది. రూ.5 వేల వరకు చెల్లింపుల కోసం సరికొత్త వేరబుల్ ఉత్పత్తులను సోమవారం నాడు పరిచయం చేసింది. నేషనల్ పేమెంట్స్ కార్పోరేషన్ ఆఫ్ ఇండియా(NPCI) బాగస్వామ్యంతో BOB వరల్డ్ వేవ్ ద్వారా ఈ వేరబుల్ ప్రోడక్ట్స్ను బ్యాంకు తీసుకు వస్తోంది. వచ్చే నెల నుండి బ్యాంకు కస్టమర్లకు వీటిని అందుబాటులోకి తీసుకు రావొచ్చు. వీటి కోసం అప్పటి నుండి ఆర్డర్ చేయాలి.
గ్యాడ్జెట్స్, ఉంగరాలు, వాచీల వంటి వాటికి BOB వేరబుల్ ప్రోడక్ట్స్ను అటాచ్ చేసుకోవాలి. దీంతో షాపింగ్ సమయాల్లో పీవోఎస్ మెషీన్ల పైన ఎలాంటి పిన్ నెంబర్ లేకుండా రూ.5 వేల వరకు చెల్లింపులు జరపవచ్చు. అయితే అంతకుమించిన పేమెంట్స్కు పిన్ నెంబర్ తప్పనిసరి.
వచ్చే రెండేళ్ల కాలంలో ఈ పరికరాలపై స్మాల్ టిక్కెట్ పేమెంట్ ట్రాన్సాక్షన్స్లో పది శాతం వరకు పొందవచ్చునని బ్యాంకు అంచనా వేస్తోంది. కాగా, సరళతరమైన ఈ-కామర్స్ ట్రాన్సాక్షన్స్ కోసం ఓ డమ్మీ ప్లాస్టిక్ కార్డును కస్టమర్లకు బ్యాంకు అందిస్తుంది.