బిలియనీర్లు ఫాలో అయ్యే ఈ 7-5-3-1 SIP రూల్ ద్వారా మీరు కూడా రెట్టింపు రాబడి పొందొచ్చు.... అది ఎలానో చూడండి

SIPలో పెట్టుబడి పెట్టాలంటే చాలా మంది "ఎలా, ఎప్పుడు, ఎంత" అనే సందేహాల మధ్య చిక్కుకుంటారు. అప్పుడు 7-5-3-1 రూల్ మీకు పెర్ఫెక్ట్ గైడ్! ఇది ఒక సులభమైన ఫార్ములా, దీర్ఘకాల సంపదను సృష్టించడానికి సరైన మార్గాన్ని చూపిస్తుంది. ఈ విధానం పాటిస్తే, మీరు క్రమంగా, ధైర్యంగా పెట్టుబడీదారుగా మారతారు.

ఏడు సంవత్సరాలు:
SIPలో 7-5-3-1 రూల్‌లో మొదటి సూత్రం ఏడు సంవత్సరాలు నిరంతరం పెట్టుబడి చేయడం. కారణం కాంపౌండింగ్ శక్తి దీర్ఘకాలంలోనే సరిగ్గా పని చేస్తుంది. అంటే, పెట్టుబడి పెట్టిన మొత్తం చిన్నగా పెరుగుతూ, అందులో వచ్చిన రాబడులు కూడా మళ్ళీ పెట్టుబడిగా చేర్చబడి వృద్ధి చెందుతాయి. దీర్ఘకాలం పెట్టుబడి పెట్టడం వల్ల మార్కెట్ చిన్న మార్పులు వచ్చిన తక్కువ ప్రభావం చూపుతాయి. క్రమంగా పెట్టుబడులు పెరుగుతూ, రాబడులు కూడా వేగంగా పెరుగుతాయి. ఇది గృహ కొనుగోలు, చదువు ఖర్చులు, రిటైర్మెంట్ వంటి పెద్ద లక్ష్యాల కోసం చాలా ఉపయోగకరం. చివరికి, నిజమైన సంపద "మార్కెట్‌లో ఎంతకాలం ఇన్వెస్ట్ చేస్తున్నారు" అనే టైం ఆధారంగా వస్తుంది, "టైమింగ్" ఆధారంగా కాదు. ఎక్కువ కాలం పెట్టుబడి పెట్టడం వల్ల, కాంపౌండింగ్ సహాయంతో మీరు పెద్ద సంపదను తయారు చేసుకోవచ్చు.

ఐదు రకాల పెట్టుబడులు:
డైవర్సిఫికేషన్ అంటే మీ పెట్టుబడులను ఒకటే చోట కాకుండా, వేర్వేరు రకాల ఆస్తులలో పెట్టడం, దీని వల్ల మార్కెట్ మార్పుల వల్ల వచ్చే నష్టం కొంత తగ్గుతుంది. 7-5-3-1 రూల్ ప్రకారం, మీరు ఐదు రకాల పెట్టుబడుల్లో పెట్టాలి. మొదట, హై-క్వాలిటీ లేదా లార్జ్ క్యాప్ స్టాక్‌లు, ఇవి స్థిరత్వం మరియు బలమైన ఫండమెంటల్స్ కలిగి ఉంటాయి. తర్వాత వాల్యూ స్టాక్‌లు, ఇవి తక్కువ ధరలో లభించే, భవిష్యత్తులో ఎక్కువ వృద్ధి సాధించగల స్టాక్‌లు. GARP స్టాక్‌లు వృద్ధి మరియు వాల్యూ రెండింటినీ సమతుల్యంగా కలిపిన పెట్టుబడులు. మిడ్ మరియు స్మాల్ క్యాప్ స్టాక్‌లు అధిక వృద్ధి సాధించగలిగిన, కానీ కొంచెం ఎక్కువ రిస్క్ ఉన్న పెట్టుబడులు. చివరగా గ్లోబల్ స్టాక్‌లు, ఇవి విభిన్నత మరియు విదేశీ మార్కెట్ ఎక్స్పోజర్ ఇస్తాయి. ఈ ఐదు రకాల పెట్టుబడులు కలిపి మీరు బలమైన పెట్టుబడి పెట్టి పోర్ట్ఫోలియోను రూపొందించవచ్చు, ఇది పెట్టుబడులను రక్షిస్తూ, వృద్ధికి అవకాశాలు కూడా ఇస్తుంది.

మూడు భావోద్వేగ దశలు:

సక్సెస్‌ ఫుల్ ఇన్వెస్టర్లు కేవలం తెలివైన వారే కాకుండా, భావోద్వేగంగా బలమైనవారిగా ఉండడం కూడా చాలా ముఖ్యం. SIPలో పెట్టుబడి చేస్తూ మీరు మూడు ప్రధాన భావోద్వేగ దశలను ఎదుర్కోవాల్సి ఉంటుంది. మొదటి దశ డిసప్పాయింట్‌మెంట్ ఇక్కడ మీరు 7-10% రిటర్న్స్ మాత్రమే పొందవచ్చు, ఇది కొంత నెమ్మదైనా వృద్ధి కావచ్చు, కానీ ఓర్పుగా ఉండటం అవసరం. రెండవది ఇర్రిటేషన్, ఈ దశలో 0-7% రిటర్న్స్ రావచ్చు, FDలతో పోల్చి నిరుత్సాహపడకుడదు, ఎందుకంటే SIPలు క్రమపద్ధతిగా పెరుగుతూ డబ్బు వృద్ధికి సహాయపడతాయి. మూడవది పానిక్, మార్కెట్ నెగటివ్‌గా వెళ్తే వెంటనే అమ్మకానికి వెళ్ళవద్దు, ఎందుకంటే మార్కెట్ కాలానుగుణంగా రికవర్ అవుతుంది. ఈ మూడు దశలలో ధైర్యంగా, క్రమపద్ధతిగా నిలబడటం SIPలో విజయవంతమైన పెట్టుబడికి కీలకమని చెప్పవచ్చు.

వార్షిక SIP పెంపు:
ప్రతి ఏడాది SIP మొత్తాన్ని చిన్న మొత్తంలో, సుమారు 5-10% పెంచడం చాలా ఉపయోగకరం. దీనివల్ల ముందుగా పెట్టిన డబ్బుపై కాంపౌండింగ్ శక్తి మరింత వేగంగా పనిచేస్తుంది, అంటే మీ పెట్టుబడులు వేగంగా పెరుగుతాయి. అదేవిధంగా, కాలంతో వస్తున్న ఇన్ఫ్లేషన్ ప్రభావాన్ని అధిగమించగలుగుతారు, ఎందుకంటే SIP మొత్తం పెరుగుతున్న కొద్దీ ఖర్చుల వృద్ధిని కూడా ఎదుర్కొనే సామర్థ్యం వస్తుంది. అలాగే, మీ ఆదాయం పెరుగుతుందన్నది గమనించి, SIP మొత్తాన్ని పెంచడం ద్వారా మీ పొదుపులు కూడా ఆదాయానికి తగ్గట్టుగా పెరుగుతాయి. ఇలా సాధారణంగా SIPను సానుకూలంగా, క్రమంగా పెంచడం, దీర్ఘకాలంలో సంపదను నిర్మించడంలో చాలా ఉపయోగపడుతుంది.

ఎలా అమలు చేయాలి:
SIPలో పెట్టుబడి పెట్టేటప్పుడు కనీసం 7 సంవత్సరాలు నిరంతరం కొనసాగించండి మరియు 5 రకాల అసెట్ కేటగిరీలలో డైవర్సిఫై చేయండి. పెట్టుబడి సమయంలో వచ్చే మూడు భావోద్వేగ దశలను సహనంగా ఎదుర్కోవడానికి సిద్ధంగా ఉండండి. అంతే కాక, ప్రతి సంవత్సరం SIP మొత్తాన్ని కొంచెం పెంచుతూ పెట్టుబడిని కొనసాగించండి. మీ లక్ష్యాలు, రిస్క్ ప్రొఫైల్ ప్రకారం ఈ విధానాన్ని మార్చుకోవచ్చు, కానీ ఏం చేసుకుంటే అయినా క్రమపద్ధతిని తప్పక పాటించడం చాలా ముఖ్యం.

7-5-3-1 రూల్ ఎందుకు పని చేస్తుంది?

7-5-3-1 రూల్ గణితం మరియు క్రమశిక్షణను కలిపి పని చేస్తుంది. దీని ద్వారా మీరు దీర్ఘకాల సంపద సులభంగా సృష్టించవచ్చు, పానిక్‌ వల్ల చేసే తప్పులు తగ్గుతాయి, డైవర్సిఫికేషన్ మరియు కాంపౌండింగ్ లాభపడతాయి, అలాగే మార్కెట్ టైమింగ్‌ మీద కాకుండా ప్రాసెస్‌పై నమ్మకంగా ఉండటానికి సహాయం చేస్తుంది.