For Quick Alerts
ALLOW NOTIFICATIONS  
For Daily Alerts

తప్పదనుకుంటేనే పర్సనల్ లోన్: లేకుంటే అంతే సంగతి

|

పర్సనల్ లోన్స్ అంటే ఎలాంటి హామీ లేకుండా బ్యాంకులు ఇతర ఆర్ధిక సంస్థలు ఇచ్చే రుణాలు. అందుకే బ్యాంకులు ఇలాంటి రుణంపై అధిక వడ్డీని వసూలు చేస్తుంటాయి. పర్సనల్ లోన్ ను ఉద్యోగం చేస్తున్న వారు, ఉద్యోగం చేయని వారు కూడా తీసుకోవచ్చు. అయితే వీరికి ఇచ్చే వడ్డీ రేటులో తేడా ఉంటుంది. తక్షణ అవసరాలు, వ్యక్తిగత అవసరాల కోసం పర్సనల్ లోన్స్ తీసుకుంటుంటారు. వీటిని చాలా తక్కువ సమయంలోనే పొందవచ్చు. అయితే ఇక్కడ ఎక్కువగా ఆలోచించాల్సిన విషయం వడ్డీ రేటు. వడ్డీ గురించి పట్టించుకోకుండా రుణం తీసుకుంటే మాత్రం ఆ భారం చాలా ఎక్కువ అయిపోయి రుణ ఊబిలో చిక్కుకునే అవకాశం ఉంటుంది.

తెలుగు సహా 6 ప్రాంతీయ భాషల్లో HDFC, హోంలోన్ బయ్యర్స్ కోసం...

ఎప్పుడు ఈ రుణం తీసుకోవాలంటే...

ఎప్పుడు ఈ రుణం తీసుకోవాలంటే...

* ఎక్కడా డబ్బులు దొరకని పరిస్థితిలో పర్సనల్ లోన్ పై దృష్టిపెట్టాలి. తక్షణం డబ్బు అవసరం ఉండి ఇతరుల వద్ద నుంచి సర్దుబాటు కానప్పుడు పర్సనల్ లోన్ ను ఎంచుకోవచ్చు.

* తక్కువ కాల పరిమితికి రుణం కావాలనుకున్నప్పుడు, రుణ ప్రక్రియకు ఎక్కువ సమయం పడుతుందనుకున్నప్పుడు లేదా హామీగా ఏదైనా ఆస్థి లేనప్పుడు.

* ఏవైనా గ్యాడ్జెట్లు, ఎలక్ట్రానిక్ ఉపకరణాలు లేదా విహార యాత్రలకు పర్సనల్ లోన్ తీసుకోక పోవడం మంచిది.

* వ్యక్తిగత రుణం తీసుకోవాలను కున్నప్పుడు ఎక్కువ ప్రాసెసింగ్ ఫీజు అడిగినా లేదా అడ్వాన్స్ గా వాయిదాను చెల్లించమని కోరినా అలాంటి లోన్ జోలికి వెళ్ళవద్దు.

* అవసరం మేరకు మాత్రమే రుణం తీసుకోవడం మంచిది. ఎక్కువ మొత్తం రుణం ఇస్తామని చెప్పినప్పటికీ మీ అవసరానికి అనుగుణంగా రుణం తీసుకోండి. అప్పు దొరుకుతుందని తీసుకుంటే తిరిగి చెల్లించే సమయంలో ఇబ్బంది పడాల్సి ఉంటుంది.

ఏ బ్యాంకు ఎంత వడ్డీ రేటు...

ఏ బ్యాంకు ఎంత వడ్డీ రేటు...

* బ్యాంకులు వ్యక్తి గత రుణాలపై అధిక వడ్డీ రేటును వసూలు చేస్తాయని ముందే అనుకున్నాం కదా. ఏ బ్యాంకు ఎంత వడ్డీ రేటు వసూలు చేస్తోందంటే..

ఎస్బీఐ...

* స్టేట్ బ్యాంక్ అఫ్ ఇండియా రూ. 20 లక్షల వరకు రుణం ఇస్తోంది. గరిష్టంగా ఆరేళ్ళ కాలానికి రుణం పొందవచ్చు. వడ్డీ రేటు 10.55 శాతం నుంచి 14.95 శాతం వరకు ఉండగా ప్రాసెసింగ్ ఫీజు ఒక శాతం వరకు ఉంది.

హెచ్ డీ ఎఫ్ సి బ్యాంక్

హెచ్ డీ ఎఫ్ సి బ్యాంక్

* ఈ బ్యాంకు రూ.50,000 నుంచి రూ. 40 లక్షల వరకు రుణం అందిస్తోంది. గరిష్టంగా ఐదేళ్ల కాలానికి రుణం తీసుకోవచ్చు. వడ్డీ రేటు 10.75 శాతం నుంచి 21.3 శాతం వరకు ఉంది. రుణం పై ప్రాసెసింగ్ ఫీజు 2.5 శాతం వరకు వసూలు చేస్తోంది.

ఐసిఐసిఐ బ్యాంక్

ఐసిఐసిఐ బ్యాంక్

* ఈ బ్యాంకు గరిష్టంగా ఐదేళ్ల కాలానికి రూ.50,000 నుంచి 20 లక్షల వరకు రుణం ఇస్తోంది. వడ్డీ రేటు 11.25 శాతం నుంచి 22 శాతం వరకు ఉండగా ప్రాసెసింగ్ ఫీజు 2.25 శాతం వరకు ఉంది.

* యాక్సిస్ బ్యాంక్ వడ్డీ రేటు 12 శాతం నుంచి 24 శాతం వరకు, సిటీ బ్యాంక్ వడ్డీ రేటు 10.5 శాతం నుంచి 18. 99 శాతం వరకు, యూనియన్ బ్యాంక్ అఫ్ ఇండియా వడ్డీ రేటు 10.1 శాతం నుంచి 14.2 శాతం వరకు ఉంది.

* ఏ బ్యాంకు నుంచి పెర్సనల్ లోన్ తీసుకోవాలను కున్నప్పుడు వడ్డీ రేటు ఎంత ఉందొ చూసుకోవడం మరవద్దు. ఈ వడ్డీ రేట్లలో మార్పులు ఉండవచ్చు. మీరు రుణం తీసుకున్న ముందు ఇతర బ్యాంకులు ఎంత వడ్డీ రేటు ఇస్తున్నాయి చూసుకోవాలి. ప్రాసెసింగ్ ఫీజు కూడా ముఖ్యమే.

English summary

Take personal loan when it is compulsory

A personal loan is money borrowed from a bank, credit union or online lender that you pay back in fixed monthly payments, or installments, typically over two to five years.
Story first published: Tuesday, October 22, 2019, 12:46 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more