ఏడాదికి రూ.100తో రూ.75,000: ఆమ్ ఆద్మీ బీమా యోజనతో ఎన్నో ప్రయోజనాలు

లైఫ్ ఇన్సురెన్స్ కార్పోరేషన్ ఆఫ్ ఇండియా (ఎల్ఐసీ) అసంఘటిత రంగ కార్మికుల కోసం ఆమ్ ఆద్మీ బీమా యోజన (ఏఏబీవై-AABY)ను అందిస్తోంది. ఇది ప్రభుత్వానికి చెందిన సామాజిక భద్రత పథకం. 18 ఏళ్ల నుంచి 59 ఏళ్ల వయస్సు వారు ఈ ఇన్సురెన్స్ తీసుకోవచ్చు. ఇది సెంట్రల్ మినిస్ట్రీ/డిపార్టుమెంట్ వంటి నోడల్ ఏజెన్సీ ద్వారా అమలు చేయబడిన ఒక గ్రూప్ ఇన్సూరెన్స్ స్కీం.

బీమా ఎంత ఇస్తారు?

AABY బీమా తీసుకున్న వ్యక్తి సహజ మరణం పొందితే రూ.30,000, ప్రమాదంలో చనిపోతే రూ.75,000, పాక్షిక శాశ్వత అంగవైకల్యం చెందితే రూ.37,500 (ఉదాహరణకు ఒక కన్ను పోవడం), శాశ్వత అంగవైకల్యం ఏయితే రూ.75,000 (రెండు కళ్లు పోవడం) పొందుతారు. సంవత్సరానికి రూ.200తో ఈ పాలసీ తీసుకోవచ్చు. ఇందులో రూ.100 ప్రభుత్వం చెల్లిస్తుంది. కేంద్రం సోషల్ సెక్యూరిటీ ఫండ్ ద్వారా ఈ రూ.100ను చెల్లిస్తుంది. ఇది ఎల్ఐసీ ఆదీనంలో ఉంటుంది. పాలసీదారు రూ.100 చెల్లిస్తే సరిపోతుంది.

అదనపు ప్రయోజనాలు

ఈ స్కీంలో (AABY)యాడ్ ఆన్ బెనిఫిట్స్ ఉన్నాయి. 9-12వ తరగతి చదువుతున్న వారికి నెలకు రూ.100 స్కాలర్‌షిప్ వస్తుంది. ఒక పాలసీదారు ఇంట్లో తమ పిల్లలకు స్కాలర్‌షిప్ తీసుకోవచ్చు. గరిష్టంగా ఇద్దరికి ఇస్తారు. ఈ మొత్తం ఆరు నెలలకు ఓసారి చెల్లిస్తారు.

అర్హతలేమిటి, ఏ డాక్యుమెంట్స్ అవసరం?

- వయస్సు 18 నుంచి 59 మధ్య ఉండాలి.

- రేషన్ కార్డు

- బర్త్ సర్టిఫికేట్

- స్కూల్ సర్టిఫికేట్

- వోటర్ లిస్ట్

- ఐడెంటిటీ కార్డు (ఏదేని ప్రముఖ సంస్థలో/గవర్నమెంట్ డిపార్టుమెంట్‌లో పని చేస్తే)

- ఆధార్ కార్డ్