'నవజీవన్' పాలసీని లాంచ్ చేసిన ఎల్ఐసీ: ఇది ఎవరికి, లాభాలు ఏమిటి?

న్యూఢిల్లీ: ఎల్ఐసీ నుంచి కొత్తగా 'నవజీవన్' పాలసీ వచ్చింది. ఈ పాలసీ నాన్ లింకింగ్ పార్టిసిపేటింగ్ ఎండోమెంట్ లైఫ్ అష్యూరెన్స్ పాలసీ. రక్షణతో పాటు ఆదాయం ఈ పాలసీ ప్రత్యేకత. భద్రతతో పాటు పొదుపు.. ఈ రెండు కలిగి ఉన్న పాలసీ ఇదేనని చెబుతున్నారు.

90 రోజుల నుంచి 65 ఏళ్ల లోపు వయస్సు కలిగిన వారు ఈ పాలసీని తీసుకోవచ్చు. ఈ పాలసీ తీసుకునే వారు ఒకేసారి లేదా అయిదేళ్లకు ప్రీమియం చెల్లింపులు జరుపుకునే అవకాశముంటుంది. ఈ పాలసీపై పన్ను రాయితీ లభించడంతో పాటు రుణం తీసుకునే అవకాశం ఉంటుంది.

ఈ పాలసీని ఆఫ్ లైన్ లేదా ఆన్ లైన్ ద్వారా తీసుకోవచ్చు. పన్ను ప్రయోజనాలతో పాటు పాలసీదారుల జీవిత భద్రతను దృష్టిలో ఉంచుకొని ఈ పాలసీని రూపొందించినట్లు ఎల్ఐసీ తెలిపింది. దీనిని మంగళవారం ఆవిష్కరించారు. ఈ పాలసీని ప్రారంభించిన రోజునే దేశవ్యాప్తంగా మూడు వేల మంది తీసుకోగా, అదే సౌత్ సెంట్రల్ జోన్‌లో 700 మంది తీసుకున్నట్లు ఈ జోన్ ఎల్ఐసీ అధికారులు తెలిపారు.