క్రెడిట్ కార్డు (లేదా) పర్సనల్ లోన్ రెండిట్లో ఏది గొప్ప?

క్రెడిట్‌ కార్డుపై:

క్రెడిట్‌ కార్డుపై పలు బ్యాంకులు లోన్ సదుపాయాన్ని అందిస్తున్నాయి. క్రెడిట్ కార్డుపై ఉన్న పరిమితిని వినియోగించుకోలేని సందర్భంలో ఆ మేరకు కొంత మొత్తాన్ని బ్యాంకులు రుణంగా ఇవ్వడానికి అవకాశం ఉంటుంది.

* పర్సనల్ లోన్, క్రెడిట్ కార్డుపై లోన్ రెండింటిలో వడ్డీ రేట్లు, రుణ మంజూరీకి సంబంధించిన ఫీజు దాదాపు సమానమే.

* లోన్ తీసుకున్న తర్వాత తగ్గుతున్న నిల్వ ఆధారంగా వడ్డీ రేటును లెక్కిస్తారు.

* ఈ రెండు లోన్లను నెలవారీ వాయిదాల (ఈఎంఐ)ల ద్వారా చెల్లించవచ్చు.

పర్సనల్ లోన్‌:

పర్సనల్ లోన్‌ని కొన్ని ఈఎంఐలు చెల్లించిన తర్వాత ముందస్తుగా మొత్తం రుణాన్ని చెల్లించడానికి కొన్ని బ్యాంకులు అనుమతిస్తాయి. క్రెడిట్‌ కార్డుపై తీసుకున్న రుణాన్ని కూడా ముందుగానే చెల్లించవచ్చు.

* పర్సనల్ లోన్‌పై వార్షిక వడ్డీ రేటు 15.5-24 శాతం వరకు ఉంటుంది. క్రెడిట్‌ కార్డు రుణాన్ని ముందస్తుగా చెల్లించినప్పుడు 3 శాతం ప్రీపేమెంట్‌ పెనాల్టీ ఉంటుంది. వ్యక్తిగత రుణంపై మాత్రం ఇది ఉండదు.

* క్రెడిట్‌ కార్డు లోన్, పర్సనల్ లోన్ దాదాపు ఒకే విధంగా కనిపించినా కొన్ని మాత్రం వేరుగా ఉంటాయి. ఉదాహరణకు.. పర్సనల్ లోన్ తీసుకునే వ్యక్తి ఆ బ్యాంకు కస్టమర్‌గా ఉండాల్సిన అవసరం లేదు. క్రెడిట్‌ కార్డు లోన్‌కి మాత్రం బ్యాంకు క్రెడిట్‌ కార్డు కలిగి ఉండాలి.

రుణానికి దరఖాస్తు:

తక్కువ మొత్తంలో లోన్ అవసరం ఉంటే క్రెడిట్‌ కార్డు లోన్ తీసుకుంటే మంచింది.

* ఎక్కువ మొత్తం రుణం కావాలనుకుంటే మాత్రం వ్యక్తిగత రుణానికి దరఖాస్తు చేసుకోవడం మంచిది.

* పర్సనల్ లోన్ పొందాలనుకునే వారి ఆదాయం ఎక్కువగా ఉంటే ఎక్కువ లోన్ వస్తుంది.

సాలరీ స్లిప్‌లను:

క్రెడిట్‌ కార్డుపై లోన్ పొందడం సులభం. ఈ లోన్‌కి దరఖాస్తు చేసే సందర్భంలో ఎలాంటి డాక్యుమెంట్లను సమర్పించాల్సిన అవసరం ఉండదు. క్రెడిట్‌ కార్డు లోన్‌ని ఆన్‌లైన్‌ ద్వారా లేదా బ్యాంకు హెల్ప్‌లైన్‌ ద్వారా కూడా దరఖాస్తు చేయవచ్చు. కొన్ని గంటల్లోనే ఈ లోన్‌కి అనుమతి లభిస్తుంది. వెంటనే సొమ్ము ఖాతాలో జమవుతుంది.

* పర్సనల్ లోన్ కోసం ఆన్‌లైన్‌‌లో దరఖాస్తు చేసుకోవచ్చు. అయితే చిరునామా, బ్యాంకు స్టేట్‌మెంట్స్‌, సాలరీ స్లిప్‌లను బ్యాంకుకు సమర్పించాలి. వీటిన్నింటినీ పరిశీలించి లోన్ మంజూరు చేయడానికి రోజుల సమయం పడుతుంది.