ప్రత్యేకతలివే: ఎల్‌ఐసీ నుంచి 'జీవన్ శిఖర్'

ఒకేసారి ప్రీమియం చెల్లించడం ద్వారా అటు బీమా రక్షణ పొందాలనుకునే వారికి లైఫ్ ఇన్సూరెన్స్ కార్పోరేషన్ ఆఫ్ ఇండియా (ఎల్‌ఐసీ) మరొ కొత్త పాలసీని అందుబాటులోకి తెచ్చింది. పాలసీ పేరు జీవన్ శిఖర్. 6 ఏళ్ల వయసు నుంచి 45 ఏళ్ల వయసు ఉన్న వారెవరైనా ఈ పాలసీని తీసుకోవచ్చు.

కనీస పాలసీ మొత్తం రూ. లక్ష. గరిష్ట పరిమితి అనేది లేదు. పాలసీ మధ్యలో ఏదైనా జరిగితే చెల్లించిన ప్రీమియానికి 10 రెట్లు పరిహారం లభిస్తుంది. పాలసీ వ్యవధి తీరిన తర్వాత పాలసీ మెచ్యూరిటీ మొత్తాన్ని లాయల్టీ ఎడిషన్‌తో కలిసి చెల్లిస్తారు.

పాలసీని ఎప్పుడైనా సరే స్వాధీనం చేసేందుకు ఏడాదిలోపు అయితే చెల్లించిన ప్రీమియంలో 70 శాతం వెనక్కి ఇస్తారు. ఆ తర్వాత చెల్లించిన ప్రీమియంలో 90 శాతం వెనక్కి వస్తుంది. మూడు నెలలు పూర్తయిన తర్వాత పాలసీపై రుణం తీసుకునే వెసులుబాటుని కల్పించారు.

35 ఏళ్ల లోపు వారికి పాలసీ తీసుకున్న వ్వవధిని బట్టి ఇది స్వాధీన విలువలో 55 నుంచి 85 శాతం వరకూ ఉంటుంది. 35 ఏళ్లు దాటిన వారికి 35 శాతం నుంచి 85 శాతం వరకూ ఇస్తారు. అంతేకాదు చెల్లించిన ప్రీమియానికి ఆదాయపు పన్ను చట్టం సెక్షన్ 80సీ నిబంధనల మేరకు పన్ను మినహాయింపు వర్తిస్తుంది.