'కోటక్‌ ప్రీమియర్‌ లైఫ్‌ ప్లాన్‌' గురించి తెలుసుకున్నారా?

కోటక్ లైఫ్ ఇన్సూరెన్స్ కంపెనీ నుంచి జీవిత మొత్తం కవరయ్యే విధంగా కొత్త పాలసీని ప్రారంభించింది. ‘కోటక్‌ ప్రీమియర్‌ లైఫ్‌ ప్లాన్‌' పేరుతో ప్రారంభించిన ఈ పాలసీ కింద 99 సంవత్సరాల వరకు జీవిత బీమా లభిస్తుంది.

మూడు సంవత్సరాల వయసు నుంచి 55 సంవత్సరాల మధ్య వయసు కలిగిన ఎవరైనా ఈ పథకంలో చేరవచ్చని కంపెనీ సీనియర్‌ ఎగ్జిక్యూటివ్‌ వైస్‌ ప్రెసిడెంట్‌, చీఫ్‌ డిస్ర్టిబ్యూషన్‌ ఆఫీసర్‌ సురేశ్‌ అగర్వాల్‌ తెలిపారు. పాలసీదారులకు జీవితకాల బీమాతో పాటు దీర్ఘకాల పొదుపు లాభాలను ఈ పథకం ద్వారా కల్చించనున్నారు.

ఈ పాలసీని ఎంచుకున్న పాలసీదారులు 10, 15 లేదా 20 ఏళ్ల కాలపరిమితితో కూడిన ప్రీమియం చెల్లింపుల ఆప్షన్‌ను ఎంచుకోవచ్చని ఆయన తెలిపారు. పాలసీదారుల సౌలభ్యం కోసం ప్రీమియం చెల్లింపుల కోసం ఖాతాదారులు నగదు చెల్లింపులు లేదా పెయిడప్‌ అడిషన్స్‌ విధానాలను ఎంచుకోవచ్చన్నారు.

పెయిడప్‌ ఆప్షన్‌ ఎంచుకుంటే పాలసీ కింద ప్రకటించే బోనస్‌ మొత్తాన్ని ప్రీమియం చెల్లింపు కింద మినహాయించుకుంటారు. ఆదాయపు పన్ను చట్టంలోని సెక్షన్‌ 80 (సి), సెక్షన్‌ 10 (10డి) కింద పన్ను మినహాయింపు ప్రయోజనాలు కూడా లభిస్తాయన్నారు.