దీపావళి: ఈఎంఐ వెలుసుబాటు లాభమా? నష్టమా..!

దసరా పండుగ ముగిసింది. దీపావళి రాబోతుంది. గృహోపకరణాల దగ్గర నుంచి దుస్తుల దాకా ఎక్కడ చూసిన భారీ రాయితీలతో స్వాగతం పలుకుతుంది. మరీ ముఖ్యంగా ఈ కామర్స్ వెబ్‌సైట్లు వినియోగదారులను ఆకర్షించేందుకు కార్డులపై భారీ డిస్కౌంట్‌లను ప్రకటిస్తున్నారు.

పండుగను పురస్కరించుకుని రకరకాల ఆఫర్లను ప్రవేశపెడుతున్నాయి. ఇప్పుడు కొనండి. ఈఎంఐ పద్దతిలో చెల్లించండి అంటూ క్రెడిట్ కార్డులు, వెబ్‌సైట్లు సైతం భరోనిస్తున్నాయి. పైగా 5, 10 శాతం క్యాష్ బ్యాక్ అంటూ ఊరిస్తున్నాయి.

ఇవన్నీ వినడానికి బాగానే ఉన్నా, ఆచరణలో కొంత ఇబ్బంది. సాధారణంగా పండుగ సీజన్‌లో సాధారణ స్థాయిని మించి కొంచెం ఎక్కువగా ఖర్చు పెడుతుంటారు. ఈ ఈఎంఐల మాటున దాగున్న దాగిన రహస్యాలు తెలుసుకోకుంటే జేబుకు భారం అయిపోవడం ఖాయం.

సౌలభ్యంగా ఉంటుంది

క్రెడిట్ కార్డు మీద భారీ మొత్తంలో కొనుగోలు చేసినప్పుడు ఈఎంఐ చెల్లించడం ఎంతో సౌలభ్యంగా ఉంటుంది. గతంలో బ్యాంకుకు ఫోన్ చేసి, నెలసరి వాయిదాలుగా మార్చమంటేనే మార్చేవారు. కానీ ఇప్పుడు పరిస్థితులు మారాయి. కార్డు సంస్ధలే ఎస్ఎంఎస్ పంపించి, ఈఎంఐగా మార్చాలా వద్దా అని అడుగుతున్నాయి.

సౌలభ్యంగా ఉంటుంది

బ్యాంకు ఆన్‌లైన్ ఖాతాలోకి లాగిన్ అయి సులభంగా ఈఎంఐ ఆప్షన్‌ను ఎంచుకోవచ్చు. ఇది కార్డులను బట్టి మారుతుంది. అనుకున్న సమయంలో డబ్బు లేనప్పుడు ఈ సౌకర్యం మంచిదే. అయితే అన్నింటికి ఇదే మంత్రం జపిస్తే మాత్రం ఆర్ధికంగా అప్పులు ఊబిలోకి వెళ్తారు.

పెరిగిన వడ్డీ

వడ్డీ కూడా పెరిగింది. ఇప్పుడు 12 శాతం నుంచి 14 శాతం వరకే విధిస్తున్నారు. అయితే, ఎంపిక చేసిన వస్తువులు, దుకాణ సముదాయాలు, వెబ్‌సైట్లలో ఉత్పత్తులను కొనుగోలు చేసినప్పుడు జీరో శాతం వడ్డీకి కూడా ఈఎంఐగా మార్చుకునే సౌకర్యాన్ని క్రెడిట్ కార్డు సంస్థలు కల్పిస్తున్నాయి.

పరిమితికి లోబడే

ఈఎంఐ చెల్లించినన్ని రోజులూ మీ కార్డు పరిమితిని గరిష్టంగా ఉపయోగించుకోలేరు. ఉదాహరణకు మీ కార్డు గరిష్ఠ పరిమితి రూ. 50,000 అనుకుందాం. ఇందులో నుంచి రూ. 20 వేలు టీవి కొన్నారని అనుకుందాం. ఇలాంటి సందర్భంలో మిగిలిన రూ. 30వేలను మాత్రమే మీరు ఉపయోగించుకోగలరు.

ప్రాసెసింగ్ ఫీజును వసూలు చేస్తారు

క్రెడిట్ కార్డుతో కొనుగోలు చేస్తే వడ్డీతో పాటు అదనగం ప్రాసెసింగ్ ఫీజును వసూలు చేస్తారు. ఇది మీ కొనుగోలు మొత్తాన్ని బట్టి మారుతుంది. కనీసం రూ. 199 నుంచి గరిష్టంగా రూ. 700 వరకూ వసూలు చేస్తారు. కొన్ని బ్యాంకులు 1 శాతం నుంచి 1.5 శాతం కూడా వసూలు చేస్తుంటాయి.