పేటీఎం: ఆన్‌లైన్‌లో బీమా ప్రీమియం చెల్లింపు

ముంబై: ప్రముఖ మొబైల్ డిజిటల్ వాలెట్ సంస్ధ పేటీఎం భారత్‌లోని ప్రధాన బీమా కంపెనీలతో ఒప్పందం కుదుర్చుకున్నట్లు గురువారం ప్రకటించింది. పాలసీదారులు ఆన్‌లైన్ ద్వారా తమ ప్రీమియం చెల్లింపులు జరిపేందుకు బీమా సంస్థలతో ఈ ఒప్పందం కుదుర్చుకున్నామని సంస్ధ వెల్లడించింది.

పేటీఎం ద్వారా ఆన్‌లైన్‌లో బీమా ప్రీమియం చెల్లింపు

ఈ ఏడాది ఆర్ధిక సంవత్సరం చివరికల్లా రూ. వెయ్యి కోట్ల ప్రీమియం చెల్లింపులు జరపాలని లక్ష్యంగా సంస్ధ పెట్టుకున్నట్లు తెలిపారు. పాలసీదారులు ఆన్‌లైన్ ద్వారా ప్రీమియంలు చెల్లించేందుకు గాను ఐసీఐసీఐ ప్రుడెన్షియల్ లైఫ్, రెలిగేర్ హెల్త్, రిలయన్స్ లైఫ్, రిలయన్స్ జనరల్ సంస్థలతో ఈ ఒప్పందం కుదుర్చుకున్నామని పేర్కొంది.

పేటీఎం ద్వారా ఆన్‌లైన్‌లో బీమా ప్రీమియం చెల్లింపు

వచ్చే మార్చినాటికి దాదాపు 15 కంపెనీలతో ఒప్పందం కుదుర్చుకునేందుకు ప్రణాళికలను సిద్ధం చేసినట్లు పేటీఎం సీనియర్ వైస్‌ప్రెసిడెంట్ కిరణ్ వాసిరెడ్డి చెప్పారు. పాలసీదారులు సులభంగా చెల్లింపులు జరిపేలా చర్యలు తీసుకోవడమే తమ లక్ష్యమన్నారు.

పేటీఎం ద్వారా ఆన్‌లైన్‌లో బీమా ప్రీమియం చెల్లింపు

పేటీఎంకు ఉన్న 10 కోట్ల మంది నమోదిత యూజర్లు సులభంగా బీమా పాలసీల ప్రీమియంలను చెల్లించవచ్చని తెలిపారు. మొబైల్ రీ చార్జ్‌లతో పాటు అన్ని రకాల బిల్లు చెల్లింపులకు వన్ స్టాప్ షాప్‌గా పేటీఎంను తీర్చిదిద్దడమే తమ ముందుున్న ఏకైక లక్ష్యమని పేర్కొన్నారు.

పేటీఎం ద్వారా ఆన్‌లైన్‌లో బీమా ప్రీమియం చెల్లింపు

ఈ మధ్య కాలంలో హోటల్ అగ్రిగేషన్ సేవలను ప్రారంభించిన తర్వాత పేటీఎంకు ఆర్‌బీఐ నుంచి చెల్లింపుల బ్యాంక్ లెసైన్స్ లభించిందన్నారు. రాబోయే మూడు సంవత్సరాల్లో పేమెంట్ బ్యాంకులు ఇందులో రూ. 1200 కోట్ల పెట్టుబడులు పెట్టేందుకు ముందుకొచ్చాయన్నారు.