సర్కార్ ప్లాన్: పీఎఫ్‌లో 50 శాతం ఈక్విటీలకే

ప్రభుత్వ ఉద్యోగుల పింఛన్ నిధుల్లో ఈక్విటీ మార్కెట్లో పెట్టుబడి చేయగల పరిమితిని 50 శాతానికి పెంచాలని ఉద్యోగుల భవిష్యనిధి సంస్ధ (ఈపీఎఫ్ఓ) ఒక ప్రతిపాదనను తెరమీదకి తీసుకొచ్చింది. ప్రస్తుతం పింఛను నిధుల్లో 15 శాతం మాత్రమే ఈక్విటీ మార్కెట్లో పెట్టుబడులు పెట్టే అవాకశం ఉంది.

సర్కార్ ప్లాన్: పీఎఫ్‌లో 50 శాతం ఈక్విటీలకే

కేంద్ర, రాష్ట్ర ప్రభుత్వం ఉద్యోగులు మరింతగా స్టాక్ మార్కెట్లో పెట్టుబడులు పెట్టేందుకు అనుమతించాలని పీఎఫ్‌ఆర్‌డీఎ ఛైర్మన్ హేమంత్ అన్నారు. ప్రస్తుతం ఈ ప్రతిపాదన పరిశీలనలో ఉందని, తాము సంప్రదింపులు జరుపుతున్నట్లు తెలిపారు.

సర్కార్ ప్లాన్: పీఎఫ్‌లో 50 శాతం ఈక్విటీలకే

ఈక్విటీ మార్కెట్‌లో పెన్షన్‌ నిధుల పెట్టుబడులు పెంచాలన్నది సెబి మాజీ చీఫ్‌ జిఎన్‌ బాజ్‌పాయి నాయకత్వంలోని కమిటీ సిఫారసు చేసిందన్నారు. నేషనల్‌ పెన్షన్‌ సిస్టమ్‌ (ఎన్‌పిఎస్‌) స్కీమ్‌ల మార్గదర్శకాలపై ఆ కమిటీ అధ్యయనం చేసిందన్నారు.

సర్కార్ ప్లాన్: పీఎఫ్‌లో 50 శాతం ఈక్విటీలకే

ఇతర పెట్టుబడులతో పోల్చితే దీర్ఘకాలంలో ఈక్విటీలే మెరుగైన రాబడులు అందిస్తాయన్న కారణంగా తాము ఈ సూచన చేసినట్టు ఆయన వివరించారు. ఎన్‌పిఎస్‌ నిధులను ప్రైవేట్‌ ఈక్విటీ, వెంచర్‌ క్యాపిటల్‌ ఫండ్లకు కూడా తరలించాలని ఆ కమిటీ సిఫారసు చేసిందన్నారు.

సర్కార్ ప్లాన్: పీఎఫ్‌లో 50 శాతం ఈక్విటీలకే

కేంద్ర, రాష్ట్ర ప్రభుత్వోద్యోగులు, ప్రైవేటు సంస్థల ఉద్యోగుల కోసం నిర్వహిస్తున్న ఎన్‌పిఎస్‌ను పీఎఫ్‌ఆర్‌డీఎ నిర్వహిస్తోంది. 2004లో కేంద్ర ప్రభుత్వం ఎన్‌పిఎస్‌ను ప్రవేశపెట్టింది. ఎన్‌పిఎస్‌ కింద 82 వేల కోట్ల రూపాయల నిధులుండగా వాటిలో ప్రైవేటు వాటా 5,000 కోట్లుగా ఉంది.