ఎస్‌బీహెచ్ నుంచి 'కుబేర్ మంత్లీ' పథకం

హైదరాబాద్: స్టేట్ బ్యాంక్ ఆఫ్ హైదరాబాద్(ఎస్‌బీహెచ్) సరికొత్త డిపాజిట్ పథకాన్ని ప్రవేశపెట్టింది. నెలవారీగా నగదు దాచుకునే ఖాతాదారుల కోసం 'ఎస్‌బీహెచ్ - కుబేర్ మంత్లీ'ని ప్రవేశపెట్టింది.

పాఠకుల కోసం ఫేస్‌బుక్ ద్వారా ఎప్పటికప్పుడు తాజా వార్తలు... లైక్ చేయండి.

ఈ పథకం కాలపరిమితి 36 నెలలు. ఈ పథకంలో ప్రతినెలా కాలపరిమితి ముగిసేవరకు రూ.2,500 చెల్లించాల్సి ఉంటుంది. ఆ తర్వాత డిపాజిట్‌దారులకు రూ. 1,02,649 చెల్లించనున్నట్లు బ్యాంక్ తెలిపింది. అంటే సొమ్ముపై 8.85 శాతం వార్షిక వడ్డీ లభిస్తుంది.

నెలవారీగా రూ. 5,000, రూ. 7,500 దాచుకోవచ్చు. కొత్త రికరింగ్ డిపాజిట్ పథకాన్ని ప్రవేశపెట్టడంతో పాటు 5 ఏళ్ల నుంచి 10 ఏళ్ల కాలపరిమితి కలిగిన డిపాజిట్లపై చెల్లిస్తున్న 8.5% వడ్డీ రేటును బ్యాంకు 8.75 శాతానికి పెంచుతున్నట్లు ఎస్‌బీ‌హెచ్ వెల్లడించింది.

ఇప్పటికే అములులో ఉన్న ఎస్‌బీహెచ్ - కుబేర్ 400 రోజుల డిపాజిట్ పథకంలో కూడా బ్యాంకు 8.85 శాతం వడ్డీ రేటును చెల్లిస్తోంది.