ఎల్‌ఐసీ నుంచి కొత్త సూక్ష్మ బీమా పథకం 'భాగ్య లక్ష్మి'

హైదరాబాద్: పేద ప్రజల పట్ల తన నిబద్ధతను కొనసాగింపుగా లైఫ్ ఇన్సూరెన్స్ కార్పొరేషన్ (ఎల్ఐసి) సోమవారం కొత్త సూక్ష్మ బీమా పథకం 'భాగ్య లక్ష్మి' ప్రారంభించింది. పాలసీ కాలపరిమితి కంటే రెండు సంవత్సరాల తక్కువ ప్రీమియం చెల్లించడం ఈ పాలసీలోని ప్రధాన ఆకర్షణ.

7 సంవత్సరాల నుంచి 15 ఏళ్ల కాలపరిమితిలో భాగ్యలక్ష్మి పథకం లభిస్తోంది. ప్రీమియం చెల్లింపు అనుమతించదగిన రీతులు నెలవారీ జీతం ద్వారా లేదా... త్రైమాసిక, వార్షిక, అర్ధ వార్షికంగా ఉన్నాయి. అయితే, రెండు క్యాలెండర్ నెలల కాలంలో 60 రోజుల కంటే తక్కువ చెల్లింపులకు అనుమతించబడదు.

18 నుంచి 55 ఏళ్ల లోపు వారు ఈ పాలసీని తీసుకునేందుకు అర్హులు. కనీస బీమా రక్షణ మొత్తం రూ. 20,000, గరిష్ట బీమా మొత్తం రూ. 50,000గా నిర్ణయించడం జరిగింది. పాలసీ కాలపరిమితి తర్వాత చెల్లించిన ప్రీమియానికి 110 శాతం గ్యారంటీగా ఇవ్వనున్నట్లు కంపెనీ విడుదల చేసిన ప్రకటనలో పేర్కొంది.