అవీవా లైఫ్ ఇన్సూరెన్స్ నుండి ధన్ సమృధ్ది పాలసీ

ముంబై: అవీవా లైఫ్ ఇన్సూరెన్స్ ధన్ సమృధ్ది అనే పేరుతో కొత్త పాలసీని ప్రవేశపెట్టింది. ఇది సాంప్రదాయమైన మనీ బ్యాక్ పాలసీ అయినప్పటికీ.. ప్రతిఫల హామీ ఉంటుందని కంపెనీ పేర్కొంది. స్వల్పకాల ఆర్దిక అవసరాలకు నిధులు అందిస్తూనే, దీర్ఘకాలంలో మంచి ప్రతిఫలం వచ్చే విధంగా ఈ కొత్త పాలసీని రూపొందించినట్లు అవీవా కంపెనీ తెలిపింది. పాలసీ కాలపరిమితిని బట్టి సంవత్సర ప్రీమియంపై ఏడాదికి 7 నుండి 9 శాతం ప్రతిఫలం లభిస్తుంది.

ప్రతి 5 సంవత్సరాలకు వార్షిక ప్రీమియంపై 125 సర్వవైల్ బెనిఫిట్‌గా కొంత డబ్బు కూడా అందుతుందని అవీవా లైఫ్ ఇన్సూరెన్స్ ఇండియా సీఈవో, ఎండీ టిఆర్ రామచంద్రన్ తెలిపారు. పాలసీ తీసుకోవడానికి కనిష్ట వయసు 13 సంవత్సరాలు. గరిష్ట వయసు 55 సంవత్సరాలు. ఇక పాలసీ కాలపరిమితి 10, 15, 20 సంవత్సరాల పాటు ఉంటుందన్నారు. పాలసీ గరిష్ట కాలపరిమితి వయసు ప్రకారం పన్ను మినహాయింపులు కూడా లభిస్తాయని ఆయన అన్నారు.

తెలుగు వన్ఇండియా