కొత్త ఇన్సూరెన్స్ ప్లాన్‌ 'సురక్షా ఖోస్' ను ప్రారంభించిన టాటా ఏఐఏ లైఫ్

ఇన్సూరెన్స్ కంపెనీగా సేవలందిస్తున్న టాటా ఏఐఏ లైఫ్ ఇన్సూరెన్స్ నిన్న 'సురక్షా ఖోస్' ను ప్రారంభించింది. ఇది నాన్‌ పార్టిసిపెంట్‌ మార్కెట్‌ లింక్డ్ ఎండోవ్‌మెంట్‌ ప్లాన్‌. ఈ ఇన్సూరెన్స్ ప్లాన్ వల్ల ప్రీమాచుర్‌ డెత్‌, ప్రమదాల ద్వారా అంగవైకల్యం కలిగినా.. క్లిష్టమైన రోగాల ద్వారా ఏర్పడే జబ్బులు, సర్జరీ లాంటి వాటికి వర్తిస్తుంది. ఈ ప్లాన్ కస్టమర్లకు తమ పెట్టుబడిపై మంచి రాబడి వస్తుందని .. మదుపరులు నిశ్చతంగా తమ పెట్టుబడి పెట్టుకోవచ్చునని... అకాల మరణంతో కానీ, దీర్ఘకాలిక వ్యాధులతో ఆస్పత్రి ఖర్చులు తదితర వాటికి కంపెనీ సమకూరుస్తుందని కంపెనీ మేనేజింగ్‌ డైరెక్టర్‌ సురేశ్‌ మహాలింగం ఒక ప్రకటనలో తెలిపారు.

టాటా ఏఐఏ లైఫ్ ఇన్సూరెన్స్ ప్రవేశ పెట్టిన సురక్షా ఖోస్‌ మొత్తం ఎనిమిది ఇన్వెస్ట్‌మెంట్‌ ఫండ్‌ ఆఫర్లను అందుబాటులోకి తెచ్చింది. వీటిలో కొన్ని రిస్క్‌ ప్రొఫైల్స్‌ను కూడా ఉంచింది. ఈ ఫ్లెక్సిబిల్‌ పాలసీ టర్మ్‌ 15 నుంచి 40 ఏళ్ల కాలపరిమితికి ఉంటుంది. ఈ పాలసీలో పెట్టుబడులు పెట్టాలనుకునే వారు వయసు 18 నుంచి 50 సంవత్సరాల వారు మాత్రమే అర్హులు. గరిష్ఠంగా మ్యాచురిటీ వయసు 65 ఏళ్లు. పాలసీలో చేరి ప్రీమియం చెల్లించేవారికి టాక్స్‌ బెనిఫిట్‌ కూడా ఉంటుంది. టాటా ఏఐఏ లైఫ్‌ టాటాసన్స్‌, ఏఐఏ గ్రూపు భాగస్వామ్యంలో నిర్వహిస్తున్న విషయం తెలిసిందే.

తెలుగు వన్ఇండియా