జొమాటో పేరు మార్పు.. కొత్త లోగో లాంచ్ చేసిన సీఈఓ.. కంపెనీ బోర్డు ఆమోదం..

ఫుడ్ టెక్ సంస్థ జొమాటో త్వరలో ఎటర్నల్ లిమిటెడ్ గా మారబోతుంది, ఇందుకు కంపెనీ బోర్డు పేరు మార్పును కూడా ఆమోదించింది.
జొమాటో సీఈఓ దీపిందర్ గోయల్ వాటాదారులకు రాసిన లేఖలో ఈ విషయాన్నీప్రకటించారు అలాగే కొత్త లోగోను ఆవిష్కరించారు. ఇప్పుడు ఎటర్నల్ నాలుగు కీలక వ్యాపారాలతో ఉంటుంది: ఫుడ్ డెలివరీ ప్లాట్‌ఫామ్ జొమాటో, క్విక్-కామర్స్ విభాగం బ్లింకిట్, లైవ్ ఈవెంట్స్ వెంచర్ డిస్ట్రిక్ట్ అండ్ కిచెన్ సప్లైస్ యూనిట్ హైపర్‌ప్యూర్. 23 డిసెంబర్ 2024న జొమాటో 17వ వార్షికోత్సవం సందర్భంగా బిఎస్‌ఇ సెన్సెక్స్‌లో లిస్టయిన కొన్ని వారాల తర్వాత ఈ పేరు మార్పు ప్రకటన వచ్చింది.

పర్మనెంట్ లోగో
వాటాదారులకు సీఈఓ దీపిందర్ గోయల్ లేఖలో జొమాటోను కొనుగోలు చేసిన తర్వాత తమ టీం దానిని 'ఎటర్నల్' అని పిలవడం ప్రారంభించిందని సీఈఓ గోయల్ వాటాదారులకు రాసిన లేఖలో పేర్కొన్నారు. "జొమాటో ఒక యాదృచ్ఛిక సంస్థ. ఇది సేవ చేయాలనే సాధారణ కోరిక నుండి పుట్టింది అలాగే కాలక్రమేణా ఇది ఒక వ్యాపారంగా మారింది. మా ఈ ప్రయాణం అసాధారణమైనది" అని లేఖలో వెల్లడించారు.

"మేము బ్లింకిట్‌ను కొనుగోలు చేసినప్పుడు, కంపెనీ అండ్ బ్రాండ్/యాప్ మధ్య తేడాను గుర్తించడానికి ఇంటర్నల్గా 'ఎటర్నల్' (జొమాటోకు బదులుగా) ఉపయోగించడం ప్రారంభించాము. జొమాటోకు మించినదిగా మన భవిష్యత్తుకు ముఖ్యమైన చోదకంగా మారిన రోజున మేము కంపెనీని ఎటర్నల్‌గా బహిరంగంగా పేరు మార్చాలని కూడా భావించాము. ఈ రోజు బ్లింకిట్‌తో మేము ఆ స్థాయిలో ఉన్నామని నేను భావిస్తున్నాను. "ఎటర్నల్ అనేది ఒక శక్తివంతమైన పేరు, నిజం చెప్పాలంటే దానికి అనుగుణంగా జీవించడం చాలా పెద్ద నియమం. ఎందుకంటే 'ఎటర్నల్' ఒక వాగ్దానం. ఇది కేవలం పేరు మార్పు కాదు. ఇది ఒక లక్ష్యం ప్రకటన అని తెలిపారు.

మా బోర్డు ఈ పేరు మార్పును నేడు ఆమోదించింది అలాగే మా వాటాదారులు కూడా ఈ మార్పుకు మద్దతు ఇవ్వాలని నేను అభ్యర్థిస్తున్నాను. ఇది ఆమోదించబడితే మా కార్పొరేట్ వెబ్‌సైట్ zomato.com నుండి eternal.comకి మారుతుంది. మేము మా స్టాక్ టిక్కర్‌ను ZOMATO నుండి ETERNALకి కూడా మారుస్తాము. ఎటర్నల్ కి నాలుగు కీలక వ్యాపారాలు ఉంటాయి. Zomato, Blinkit, District అండ్ Hyperpure.