Zomato: నీకు సెల్యూట్ బాస్.. ఏడాది పసికందు కోసం జొమాటో ఏజెంట్ సాహసం.. కుండపోత వర్షంలో మందుల కోసం..

Viral News: కేరళలోని కొచ్చికి చెందిన జితిన్ విజయన్ అనే జొమాటో డెలివరీ ఏజెంట్ ఒక చిన్న పాప కోసం పెద్ద సాహసమే చేశాడు. మనందరికీ తెలుసు కేరళలో వరదలు వస్తే పరిస్థితులు ఎలా ఉంటాయో. వగాలు వంకలు పొర్లి అనేక ఇళ్లను సైతం నేలమట్టం చేసిన ఘటనలు మనం చూశాం. కుండపోత వర్షాలను సైతం లెక్కచేయకుండా అనారోగ్యంతో ఉన్న శిశువుకు మందులు తీసుకునేందుకు రాత్రి 10 కిలోమీటర్లు జితిన్ విజయన్ ప్రయాణం చేశాడు.

రివార్డు ఇచ్చిన జొమాటో..

సదరు డెలివరీ ఏజెంట్ చేసిన పనిని గుర్తించిన జొమాటో సంస్థ.. శిశువుకు మందులు తీసుకునేందుకు అర్ధరాత్రి భారీ వర్షాలను ధైర్యంగా ఎదుర్కొన్న డెలివరీ ఏజెంట్ సేవలను గ్యాలంట్రీ అవార్డుతో గుర్తించింది. కేరళలోని కొచ్చికి చెందిన జితిన్ విజయన్, అర్థరాత్రి ఫుడ్ ఆర్డర్‌ను డెలివరీ చేయడానికి కుండపోత వర్షంలో 12 కిలోమీటర్లు డ్రైవ్ చేశాడు. డెలివరీ గమ్యస్థానానికి చేరుకున్నప్పుడు, అనారోగ్యంతో ఉన్న ఒక సంవత్సరం వయస్సు ఉన్న పసికందు కోసం ఆర్డర్ చేసినట్లు అతను గ్రహించాడు.

డ్యూటీకి మించి పాపకోసం ప్రయాణం..

విజయన్ శిశువుకు మందులు తీసుకోవడానికి భారీ వర్షంలో తిరిగి బయటకు వచ్చినప్పుడు డ్యూటీ కాల్ ఆఫ్ వచ్చినప్పటికీ డ్యూటీకి మించి వెళ్లాడు. దీనికోసం అతను రాత్రిపూట మరో 10 కిలోమీటర్లు డ్రైవ్ చేయాల్సి వచ్చింది. అతని దయాగుణాన్ని గుర్తించిన జొమాటో.. అతడిని గ్యాలంట్రీ అవార్డుతో సత్కరించింది. కేవలం ఆహారం అందించి నాకెందుకులే అనుకోకుండా అతడు చేసిన పని అనేక మంది మనస్సులను కదిలించింది. అతడి సాహసోపేతమైన చర్యకు నెటిజన్లు ప్రశంసల వెల్లువ కురిపిస్తున్నారు. ఈ విషయాన్ని ఫుడ్ డెలివరీ కంపెనీ ఒక లింక్డ్‌ఇన్ పోస్ట్‌లో వెల్లడించింది.

కంపెనీ ప్రశంసలు..

"మేము అందించిన అన్ని స్పూర్తిదాయకమైన కథనాల్లో, ఇవి వారి పనిలో నీతి, విధికి మించి ప్రజలకు సేవ చేయాలనే నిబద్ధతకు ప్రత్యేకంగా నిలిచాయి" అని జొమాటో రాసింది. అవార్డుల గ్రహీతలను అందులో పేర్కొంది.విజయన్‌తో పాటు, శివాజీ బాలాజీ పవార్‌కు కూడా 'గోయింగ్ ఎబౌ అండ్ బియాండ్' కింద రివార్డు లభించింది.

జొమాటో 14 వసంతాల సందర్భంగా..

Zomato తన 14వ పుట్టినరోజు సందర్భంగా ఈ అవార్డులు ప్రకటించింది. దీని కోసం కంపెనీ 14 మంది లక్కీ కస్టమర్లకు ఉచిత ఆహారాన్ని అందించే ప్రమోషనల్ ఆఫర్‌ను కూడా నిర్వహించింది. ఇలా సమాజంలో స్పూర్తి దాయకంగా ఉన్న తమ ఉద్యోగులను కంపెనీ గుర్తించి రివార్డు అందించటంపై సర్వత్రా హర్షం వ్యక్తం అవుతోంది. ప్రస్తుతం ఈ వార్త వైరల్ గా మారింది.