Zomato News: రెండేళ్లకే బిషానం సర్థేసిన జొమాటో.. పూర్తి వివరాలివే..

Intercity Legends: దేశీయ స్టార్టప్ ప్రపంచంలో ఫుడ్ డెలివరీ అగ్రిగేటర్ జొమాటో విజయాలతో పాటు తప్పు నిర్ణయాలను సైతం కొన్ని తీసుకుంది. మార్కెట్లో అవకాశాలను అందిపుచ్చుకుంటూ పోతున్న దీపేందర్ గోయల్ ముందుగా ఫుడ్ డెలివరీ సక్సెస్ తర్వాత, క్విక్ కామర్స్ వెంచర్ బ్లింకిట్ విజయాన్ని అందుకుని ఆ తర్వాత తాజాగా టికెట్ బుకింగ్ కోసం పేటీఎం నుంచి వ్యాపారాన్ని కొనుగోలు చేసే స్థాయికి ఎదిగింది.

ఇదిలా ఉండగా దేశంలోని 10 నగరాల నుండి దేశంలోని ఇతర ప్రాంతాలకు ఐకానిక్ వంటకాలను డెలివరీ చేసే ఇంటర్‌సిటీ లెజెండ్స్‌ రెండేళ్ల కిందట తీసుకొచ్చిన సంగతి తెలిసిందే. ప్రస్తుతం దీనికి స్పందన అనుకున్న స్థాయిలో లేకపోవటంతో కంపెనీ ఈ సేవలను తక్షణమే మూసివేస్తున్నట్లు జొమాటో ప్రకటించింది. జూలైలో ఆర్డర్‌లను మరింత లాభదాయకంగా మార్చడానికి కంపెనీ తాత్కాలికంగా సేవను పాజ్ చేయగా.. ఆ తర్వాత కొన్ని ట్వీక్‌లతో పునఃప్రారంభించిన తర్వాత తాజాగా సేవలను పూర్తి స్థాయిలో నిలిపివేసింది.

దీనిపై కంపెనీ సహ వ్యవస్థాపకుడు, సీఈవో దీపేందర్ గోయల్ తన ట్వీట్ ద్వారా సేవల మూసివేతను ధృవీకరించారు. రెండు సంవత్సరాల ప్రయత్నం, ఉత్పత్తి-మార్కెట్లకు సరిపోదని గ్రహించిన తర్వాత వెంటనే సేవలను మూసివేయాలని నిర్ణయించినట్లు వెల్లడించారు. ఆదాయాన్ని పెంచుకోవడానికి, మార్కెట్‌లో తన స్థానాన్ని సుస్థిరం చేసుకోవడానికి జొమాటో అనేక ఇతర ప్రక్కనే ఉన్న రంగాలలోకి వైవిధ్యభరితంగా మారుతున్న తరుణంలో ఇంటర్‌సిటీ లెజెండ్స్ మూసివేయబడింది.

వాస్తవానికి స్టార్టప్ తన ఇంటర్‌సిటీ లెజెండ్స్ సేవలను 2022లో ప్రారంభించింది. ప్రారంభంలో కనీస ఆర్డర్ థ్రెషోల్డ్ లేదు. అయితే లాభదాయకతను పెంచడానికి కనీస ఆర్డర్ విలువను కంపెనీ రూ.5,000గా నిర్ణయించింది. అయితే ఆహార ప్రియుల నుంచి దీనికి కంపెనీ ఊహించిన స్థాయిలో ఆదరణ దక్కకపోవటంతో గతంలో మాదిరిగా ఇతర పైలెట్ ప్రాజెక్టుల మాదిరిగానే సేవలను నిలిపివేసింది. దీంతో గురుగ్రామ్‌ కేంద్రంగా పనిచేస్తున్న కంపెనీ ఎక్స్‌ట్రీమ్, లాజిస్టిక్స్ సేవను నిలిపివేసింది.