Multibagger: రూ. లక్ష పెట్టుబడిని.. రూ. 33 లక్షలుగా మార్చిన మల్టీబ్యాగర్ స్టాక్.. దీనిలో ఆ ప్రముఖ ఇన్వెస్టర్ ప
Multibagger Stock: గత రెండు సంవత్సరాలకు పైగా ప్రపంచ ఆర్థిక వ్యవస్థ ఒత్తిడికి లోనవుతున్నప్పటికీ ఈ స్టాక్ మాత్రం తన ఇన్వెస్టర్లకు మల్టీబ్యాగర్ రిటర్న్స్ అందించింది. ఈ కంపెనీలో ప్రముఖ ఇన్వెస్టర్.. 'బిగ్ వేల్' ఆశిష్ కచోలియా కూడా పెట్టుబడి పెట్టారు. ఇప్పటిదాకా మనం మాట్లాడుకున్నది Xpro షేర్ గురించే. గత రెండేళ్ల కాలంలో ఈ స్టాక్ తన వాటాదారులకు అద్భుతమైన రాబడులను అందించింది. మార్కెట్ మాగ్నెట్ ఆశిష్ కచోలియా దాదాపుగా 4,21,616 Xpro ఇండియా షేర్లను కలిగి ఉన్నారు. ఇది కంపెనీలో 3.57 శాతం వాటాకు సమానమని తెలుస్తోంది. గత రెండు సంవత్సరాల్లో Xpro ఇండియా షేరు ధర దాదాపు రూ.31 నుంచి రూ.1030 స్థాయికి పెరిగింది. ఈ కాలంలో దాదాపు 3200 శాతం పెరుగుదలను నమోదు చేసింది. దేశీయ స్టాక్ మార్కెట్ గత ఏడాదిలో 450 శాతం కంటే ఎక్కువ రాబడిని అందించగా.. ఈ సమయంలో షేర్ మల్టీబ్యాగర్ గా మారింది.
ఈ స్టాక్ 52 వారాల గరిష్ఠ స్థాయి అయిన రూ.1670ను చేరుకున్న తర్వాత.. ఈ మల్టీబ్యాగర్ స్టాక్ ప్రాఫిట్-బుకింగ్ ఒత్తిడిలోకి వెల్లింది. గత నెలలో ఇది దాదాపు 10 శాతం కరెక్షన్ కు గురైంది. అయితే.. ఇది YTD ప్రాతిపధికన దాదాపు రూ.937 నుంచి రూ.1030కి పెరిగింది. 2022లో దాదాపు 8 శాతం పెరుగుదలను నమోదు చేసింది. గడచిన ఏడాదిలో ఈ మల్టీబ్యాగర్ ఆశిష్ కచోలియా పోర్ట్ఫోలియో స్టాక్ రూ.182 నుంచి రూ.1030 స్థాయిలకు పెరిగింది. అంటే దాదాపు 450 శాతం పెరుగుదలను నమోదు చేసింది. అదేవిధంగా.. గత రెండు సంవత్సరాల్లో ఈ స్టాక్ దాదాపు రూ.31 నుంచి రూ.1030కి పెరిగింది. ఈ కాలంలో దాదాపు 3200 శాతం రిటర్న్స్ అందించింది.
Xpro ఇండియా షేర్ ధర చరిత్రను గమనించినట్లయితే.. 2022 కొత్త సంవత్సరం ప్రారంభంలో ఒక పెట్టుబడిదారుడు ఈ మల్టీబ్యాగర్ స్టాక్లో లక్ష ఇన్వెస్ట్ చేసి ఉంటే.. దాని విలువ ప్రస్తుతం రూ.1.08 లక్షలకు చేరి ఉండేది. ఒక ఇన్వెస్టర్ సంవత్సరం క్రితం ఈ ఆశిష్ కచోలియా షేర్లో లక్ష పెట్టుబడి పెట్టి ఉంటే.. దాని విలువ ప్రస్తుతం రూ.5.50 లక్షలకు చేరి ఉండేది. అదేవిధంగా.. ఒక ఇన్వెస్టర్ రెండేళ్ల క్రితం ఈ స్టాక్లో లక్ష ఇన్వెస్ట్ చేసి ఉంటే.. దాని విలువ ప్రస్తుతం రూ.33 లక్షలుగా ఉండేది.
ఈ ఆశిష్ కచోలియా పోర్ట్ఫోలియో స్టాక్ ప్రస్తుత మార్కెట్ క్యాప్ రూ.1228 కోట్లుగా ఉంది. దాని చివరి 20 రోజుల సగటు వాల్యూమ్ 12,361. కాబట్టి, ఇది తక్కువ-ఫ్లోట్ స్టాక్.. ఎన్ఎస్ఈలో దీని 52 వారాల గరిష్ఠం రూ.1670గా ఉండగా.. 52 వారాల కనిష్ఠం రూ.160గా ఉంది.