521 కేజీల బంగారు కడ్డీ.. ప్రపంచంలోనే అతిపెద్ద పసిడి కడ్డీ ఎక్కడుందో తెలుసా..

గ్లోబల్ మార్కెట్‌లో బంగారం కొనుగోళ్లు, విక్రయాలకు దుబాయ్ అత్యంత ప్రసిద్ధి చెందినప్పటికీ.. ప్రపంచంలోనే అతిపెద్ద బంగారు కడ్డీ (Gold Bar) రికార్డు మాత్రం ప్రస్తుతం ఆస్ట్రేలియా వశమైంది. పశ్చిమ ఆస్ట్రేలియాలోని ప్రముఖ 'పెర్త్ మింట్' (Perth Mint) సుమారు 521.2 కిలోగ్రాముల బరువు కలిగిన అతిభారీ బంగారు కడ్డీని తయారు చేసి గిన్నిస్ వరల్డ్ రికార్డుల్లో తన పేరును లిఖించుకుంది. ఎనిమిది మంది సాధారణ మనుషుల బరువుకు సమానమైన ఈ కడ్డీ.. 99.999 శాతం అత్యున్నత స్వచ్ఛత కలిగిన ఆస్ట్రేలియన్ బంగారంతో రూపొందించబడింది.

ఈ చారిత్రాత్మక రికార్డు కోసం పెర్త్ మింట్ సాంకేతిక నిపుణులు ప్రత్యేక శ్రద్ధ తీసుకున్నారు. మొదట సేకరించిన ముడి పదార్థాలను అత్యున్నత స్థాయిలో శుద్ధి చేసి, అనేక పెద్ద Gold కడ్డీలుగా మలిచారు. ఆ తర్వాత ఆ కడ్డీలను ప్రత్యేకంగా డిజైన్ చేసిన అచ్చులో అమర్చి, ఏకంగా 1,400 డిగ్రీల సెల్సియస్ ఉష్ణోగ్రత వద్ద వేడి చేశారు. కరిగిన ద్రవాన్ని అనేక గంటల పాటు అత్యంత నియంత్రిత వాతావరణంలో చల్లబరిచి, ఈ భారీ రికార్డ్-బ్రేకింగ్ బంగారు కడ్డీకి తుది రూపాన్ని ఇచ్చారు.

గతంలో ప్రపంచంలోనే అతిపెద్ద బంగారు కడ్డీగా దుబాయ్ పేరిట రికార్డు ఉండేది. 2025లో దుబాయ్ మింట్ 300.12 కిలోగ్రాముల బరువు, సుమారు $25 మిలియన్ల విలువ కలిగిన స్వచ్ఛమైన బంగారు కడ్డీని ఆవిష్కరించి గిన్నిస్ రికార్డు సాధించింది. ఈ కడ్డీని దుబాయ్ గోల్డ్ సౌక్ ఎక్స్‌టెన్షన్‌లో సందర్శకుల ప్రదర్శన కోసం ఉంచారు. అయితే, ఇప్పుడు పెర్త్ మింట్ రూపొందించిన 521.2 కేజీల కడ్డీ ఆ పాత రికార్డును తిరగరాసింది.

Also Read

బంగారం ధరలు పెరిగాయి.. ఈ రోజు పెరుగుదలతో పసిడి రేటు ఎంత పైకి వెళ్లిందంటే.. సెప్టెంబర్ 8, మంగళవారం ధరలు ఇవే..

ఆస్ట్రేలియాలోని ప్రధాన పర్యాటక ఆకర్షణలలో ఒకటిగా నిలిచే పెర్త్ మింట్, ఈ కొత్త గిన్నిస్ రికార్డు కడ్డీని సెప్టెంబర్ నెలాఖరు నుండి సాధారణ పర్యాటకుల సందర్శనార్థం అందుబాటులో ఉంచనుంది. తమ ప్రముఖ 'గోల్డ్ టూర్' ప్రాజెక్ట్‌లో భాగంగా దీనిని ప్రదర్శించనున్నారు. ఈ టూర్‌లో పర్యాటకులు రికార్డు బంగారు కడ్డీతో పాటు, గతంలో నిలిచిన ఒక టన్ను బరువున్న బంగారు నాణెం, ప్రత్యక్షంగా బంగారాన్ని కరిగించి పోత పోసే ప్రక్రియలను దగ్గర నుండి తిలకించవచ్చు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.