Wipro News: టెక్కీల ఆశలపై నీళ్లు చల్లిన విప్రో.. టైమ్ అస్సలు బాగోలేదుగా..!!

Salary Hikes: దేశాలోని టాప్ ఐటీ కంపెనీలు వరుసగా తమ తొలి త్రైమాసిక ఆర్థిక ఫలితాలను విడుదల చేస్తున్నాయి. దీంతో అందరి చూపులు కంపెనీల ప్రకటనలపై ఉంది.

ఈ క్రమంలో ఉద్యోగులు కంపెనీ ప్రకటించే హైక్స్ గురించి ఎదురుచూస్తున్నారు. అయితే కంపెనీ తీసుకున్న తాజా నిర్ణయం టెక్కీలను నిరాశకు గురిచేస్తోంది. విప్రో తన ఉద్యోగుల జీతాల పెంపు నిర్ణయాన్ని 3వ త్రైమాసికానికి వాయిదా వేసినట్లు ప్రకటించింది. అంటే గతేడాది సెప్టెంబర్‌లో ఇచ్చిన జీతాల పెంపును ఈ ఏడాది అక్టోబర్-డిసెంబర్ త్రైమాసికానికి వాయిదా వేస్తున్నట్లు ప్రకటించింది.

విప్రో ఇప్పటికే సెప్టెంబర్‌లో డెలివరీని ఆలస్యం చేసింది. కానీ ఇప్పుడు దానిని డిసెంబర్ త్రైమాసికానికి వాయిదా వేసింది. విప్రో మేనేజ్‌మెంట్ తన లాభాల మార్జిన్ స్థాయిలను మెరుగుపరచడానికి, ఉద్యోగుల జీతాల ఖర్చులను తగ్గించడానికి ఈ నిర్ణయాలు తీసుకున్నట్లు తెలుస్తోంది. మొదటి త్రైమాసికానికి ఉద్యోగులకు వారి వేరియబుల్ వేతనంలో 80 శాతం పొందుతారని సీనియర్ HR హెడ్ సౌరభ్ కోవిల్ వెల్లడించారు. ఇది వివిధ టీమ్స్ కి మారుతుంటుందని తెలుస్తోంది.

విప్రో మొత్తం ఉద్యోగుల సంఖ్య మార్చి త్రైమాసికంతో పోలిస్తే జూన్ త్రైమాసికంలో దాదాపు 8812 మందిని జోడించింది. దీంతో మెుత్తం కంపెనీ ఉద్యోగుల సంఖ్య 2,49,758కి చేరుకుంది. త్రైమాసిక కాలంలో విప్రో అట్రిషన్ రేటు 19.4 శాతం నుంచి 17.3 శాతానికి తగ్గింది. మార్కెట్లోకి ఇతర టెక్ దిగ్గజాలైన హెచ్‌సీఎల్, ఇన్ఫోసిస్ కూడా జీతం పెంపు, వేరియబుల్ పే అమౌంట్‌పై కీలక నిర్ణయాలు తీసుకున్నాయి. జూలై మొదటి వారంలో జీతాల పెంపుదల గురించి ఇన్ఫోసిస్ ఇంకా ప్రకటించలేదు.

HCL టెక్ జూనియర్, మిడిల్ కేటగిరీ ఉద్యోగుల జీతాల పెంపును త్రైమాసికంలో వాయిదా వేసింది. ప్రముఖ కంపెనీలు జీతాల పెంపును తగ్గిస్తూ, వాయిదా వేస్తూ వస్తున్న నేపథ్యంలో ఐటీ ఉద్యోగులు షాక్‌కు గురవుతున్నారు.