Crude Oil: ముడి చమురు పెరుగుదలతో ద్రవ్యోల్బణం పెరుగుతుందా..!

ముడి చమురు ధర క్రమంగా పెరుగుతోంది. జూన్-చివరి నుంచి ముడి చమురు ధరలు పెరుగుతూ వస్తున్నాయి.బ్యారెల్ ముడి చమురు మరోసారి $100/బ్యారెల్‌కు చేరుకోవడంతో ప్రస్తుత ఆర్థిక సంవత్సరం మూడో, చివరి త్రైమాసికాల్లో ద్రవ్యోల్బణ అంచనాలను గణనీయంగా పెరిగే అవకాశం ఉంది. ఎన్నికల తరుణంలో ముడిచమురు ధర పెరుగుదలకు అనుగుణంగా ప్రభుత్వ రంగ చమురు మార్కెటింగ్ కంపెనీలు ఆటో ఇంధనాల రిటైల్ ధరలను పెంచడం అసంభవం అయినప్పటికీ, ఖరీదైన ముడి చమురు అనేక రకాల వస్తువుల ధరలను పెంచవచ్చు.

పెట్రోలియం ప్లానింగ్ & అనాలిసిస్ సెల్ డేటా ప్రకారం, భారతీయ ముడి చమురు బాస్కెట్ ధర శుక్రవారం నాడు $97.03/ bbl వద్ద ఉంది. ఇండియా రేటింగ్స్ అండ్ రీసెర్చ్ శుక్రవారం తన నివేదికలో రిటైల్ ద్రవ్యోల్బణం FY24 మూడవ త్రైమాసికంలో 5.8% నుంచి 5.9-6.1%కి పెరగవచ్చని పేర్కొంది. చివరి త్రైమాసికంలో, ఏజెన్సీ రిటైల్ ద్రవ్యోల్బణం అంచనాను ముందుగా అంచనా వేసిన 5.1% నుంచి 5.3-5.5%కి సవరించింది.

"మీరు FY24 సగటు టోకు ధరల సూచీ (WPI)ని పరిశీలిస్తే, FY24 మొదటి అర్ధభాగంలో ఇది బాగా క్షీణించినందున, మొత్తం సంవత్సర సగటు 9.6తో పోలిస్తే ఇప్పటికీ 0.3%గా ఉండవచ్చు" అని IDFC ఫస్ట్ బ్యాంక్‌లోని ఆర్థికవేత్త గౌరా సేన్‌గుప్తా అన్నారు. పెరుగుదల వలన ముడి చమురు ధరలు WPIలో ప్రతిబింబిస్తుందని చెప్పారు. అయితే వినియోగదారుల ధరల సూచీ (CPI)పై గణనీయమైన ప్రభావం చూపే అవకాశం లేదని అభిప్రాయపడ్డారు.

OPEC+ సభ్యదేశాలు సరఫరా కోతలు ముడి చమురు ధరలపై ఒత్తిడిని కొనసాగించే అవకాశం ఉంది. డిసెంబర్ తర్వాత ఒపెక్ + తమ కోతలను వెనక్కి తీసుకునే అవకాశాలు ఉన్నాయని సేన్‌గుప్తా చెప్పారు. న్యూయార్క్ మర్కంటైల్ ఎక్స్ఛేంజ్‌లో WTI క్రూడ్ ధరలు శుక్రవారం $92.99/bbl వద్ద ఉన్నాయి, ఇది మునుపటి ముగింపుతో పోలిస్తే 1.4% పెరిగింది. బ్రెంట్ ధర 0.69% పెరిగి $96.04/bbl వద్ద ఉంది.

"రష్యా, సౌదీ అరేబియా డిసెంబర్ తర్వాత తమ సరఫరా కోతను పొడిగించే అవకాశాలు ఉన్నందున FY24లో భారతీయ ముడి చమురు ఆరు నెలల సగటు $90/bblగా అంచనా వేసాము" అని సేన్‌గుప్తా చెప్పారు. ఇన్ని రోజులు లాభాలను ఆర్జించిన చమురు కంపెనీలు ఇప్పుడు నష్టాలను చవిచూడాల్సి రావొచ్చు. త్వరలో ఎన్నికలు ఉన్నందన పెట్రోల్, డీజిల్ ధరలు పెంచకపోతే చమురు కంపెనీలపై ప్రభావం పడే అవకాశం ఉంది.