పండుగ సీజన్‌లో అసలు హీరో ఎవరో తెలుసా? వాళ్లు లేకపోతే మనకు ఒక చిన్న పని కూడా సరిగా జరగదు

భారతీయ పండుగ సీజన్ అంటే కేవలం షాపింగ్ మాత్రమే కాదు. షాపులు, డెలివరీ, రిటైల్ ఇలా అన్నీ నిరంతరం జోరుగా పని చేస్తునే ఉంటాయి. కానీ ఈ సీజన్ లో ఎక్కువ పని ఎవరికి ఉంటుంది మరియు సెలవలు లేకుండా ఉండేది అంటే డెలివరీ రైడర్స్, షాపింగ్ సిబ్బంది, క్యాబ్ డ్రైవర్లు. పండుగలు వస్తే వారికీ పనిభారం పెరుగుతుంది. కానీ వారికోసం అదనపు జీతం ఎలాగూ వస్తుందని కూడా చెప్పలేం.

ఈ కార్మికుల డిమాండ్ ఉత్సవాల సమయంలో "15-25%" పెరుగుతుంది. ఇంతకీ సీజన్‌లో దేశంలో సుమారు "1 మిలియన్ కొత్త గిగ్ రోల్స్" వచ్చే అవకాశం ఉంటుందట. బ్లింకిట్ డెలివరీ పార్ట్‌నర్ మనోజ్ కుమార్ చెప్పినట్లే "రోజంతా సూర్యుని కింద పని చేస్తే, రాత్రి చార్జీలు ఎక్కువ అయినా, మాకు సమానంగా డబ్బు రాదు. మా కుటుంబం కోసం ఉత్సవాల్లో పని చేస్తున్నాం, కంపెనీలు కొద్దిగా అదనపు జీతం ఇస్తే బాగుంటుంది." అంతే కాదు, డెలివరీ ప్లాట్‌ఫార్మ్‌లో మూడు సంవత్సరాలు పని చేస్తున్న హిమాంశు శుక్లా ఇలా అంటున్నాడు "11-12 గంటల పని, రోజుకు రూ. 600-900 మాత్రమే సంపాదించాను. పెట్రోల్, రెంట్ చెల్లించాల్సి వస్తుంది, చివరికి మాకు ఏమి మిగలడం లేదు?"

ఈ పండుగ బూమ్‌లో ముఖ్య సమస్య ఒకటి సామాజిక భద్రత. రిపోర్ట్‌లు చెబుతున్నట్లు, దేశంలో గిగ్ వర్క్ ఫోర్స్‌లో 5% కంటే తక్కువ మందికి మాత్రమే బీమా లేదా ప్రావిడెంట్ ఫండ్ ఉంది. అంటే, మిగతా ఎవ్వరికి ఏ రకమైన రక్షణ కూడా లేదు. 2020లో వచ్చిన కోడ్ ఆన్ సోషల్ సెక్యూరిటీ ద్వారా గిగ్ వర్కర్స్ కోసం కొన్ని ప్రొవిజన్లు ఉన్నప్పటికీ, వాటి అమలు ఇంకా చాలా పరిమితంగా ఉంది. Swiggy డెలివరీ పార్ట్‌నర్ రాజ్‌కుమార్ చెప్పినట్లే, "మాలో ఎవరైనా ప్రాణాలు కోల్పోతే, ప్రభుత్వం, కంపెనీ ఎవ్వరు కూడా సహాయం చేయరు. మాకు జీవిత బీమా, ఎక్సిడెంట్ బీమా ఉండాలి. మేము కూడా ఈ దేశపు పౌరులు కాబట్టి మాకు రక్షణ ఇవ్వడం అవసరం."

ఇక ఆన్లైన్ షాపింగ్, క్విక్-కామర్స్ మరింత ఒత్తిడి తెచ్చింది. చివరి క్షణపు గిఫ్ట్, మిఠాయిలు, ఫుడ్ ఆర్డర్స్ ఇలా ఈ బూమ్‌లో గిగ్ వర్కర్స్ లేకుండా పండుగలు గడపడం చాలా కష్టం అవుతుంది.

గిగ్ వర్కర్స్‌ కి పండుగ సీజన్ అంటే కేవలం ఎంటర్టైన్‌మెంట్ మాత్రమే కాదు కష్టం, శ్రమ అని మరిచిపోకూడదు. రోజంతా డెలివరీలు, షాపింగ్, క్యాబ్ రైడ్స్ ఇలా అన్నీ నిర్వహించాలి. పనిభారం పెరుగుతుంది కానీ అదనపు జీతం, సెలవులు అందకపోవడం వలన వారికి చాలా ఒత్తిడి వస్తుంది.ఈ ఉత్సవ సీజన్‌లో గిగ్ వర్కర్స్ కష్టపడి పని చేయాలనుకుంటే, కంపెనీలు కొంత మార్పు చేస్తే అది వారికే లాభం. పండుగ బోనస్, ప్రమాద / ఆరోగ్య బీమా మెరుగైన పని షెడ్యూల్ ఇలా కొన్ని సౌకర్యాలు ఇస్తే, వారిలో ఉత్సాహం, నిబద్ధత పెరుగుతుంది. ఫలితంగా, వారి ద్వారా పని సామర్థ్యం కూడా మెరుగవుతుంది. అంటే, చిన్న మార్పులు కూడా ఉద్యోగుల పనితనాన్ని, ఉత్సవాలను ఆనందంగా జరుపుకునే పరిస్థితిని సృష్టించగలవు.