Highest Salaries: దేశంలో అత్యధిక జీతాలు తీసుకుంటున్న సీఈఓలు వీరే..

దేశంలో అత్యధిక జీతం తీసుకుంటున్న వారిలో ఐటీ రంగానికి చెందిన వారే ఎక్కువగా ఉన్నారు. ఐటీ రంగంలోని కంపెనీల సీఈఓలు భారీగా జీతం తీసుకుంటున్నారు. సీఈఓలకు ఎక్కువ జీతం ఇస్తున్న కంపెనీల్లో విప్రో, కోఫోర్జ్, ఇన్ఫోసిస్ వంటి ప్రముఖ ఐటీ కంపెనీలు ఉన్నాయి. ఈ ఏడాది విప్రో మాజీ సీఈవో థియరీ డెలాపోర్టే అత్యధిక వేతనం పొందిన సీఈవోగా ఉన్నారు. ఆయన తర్వాత కోఫోర్జ్‌కు చెందిన సుధీర్ సింగ్, హెచ్‌సిఎల్ టెక్‌కి చెందిన సి విజయకుమార్ ఆ తర్వాతి స్థానాల్లో ఉన్నాయి.

థియరీ డెల్పోర్ట్ ఏప్రిల్‌లో తన పదవికి రాజీనామా చేసిన సంగతి తెలిసిందే. ఆయన 2023-24 ఆర్థిక సంవత్సరానికి కంపెనీ నుంచి సుమారు రూ.166 కోట్లు తీసుకున్నాడు. దీని తర్వాత కోఫోర్జ్‌కి చెందిన సుధీర్ సింగ్ రెండో స్థానంలో ఉన్నాడు. గత ఆర్థిక సంవత్సరానికి గాను కంపెనీ అతనికి రూ.105.12 కోట్ల జీతం ఇచ్చింది. ఆ తర్వాత హెచ్ సీఎల్ టెక్ కంపెనీ సి విజయకుమార్‌కు రూ.84.17 కోట్ల ప్యాకేజీ ఇచ్చింది. దీని తర్వాత, పెర్సిస్టెంట్ సిస్టమ్స్‌కు చెందిన సందీప్ కల్రా నాలుగో స్థానంలో ఉన్నాడు.

ఆయనకు రూ.77.1 కోట్ల జీతం చెల్లించింది. ఆ తర్వాత ఇన్ఫోసిస్ సీఈవో సలీల్ పరేఖ్ రూ.66 కోట్ల జీతం తీసుకున్నారు. ఎంఫసిస్, టీసీఎస్ సీఈఓలు కూడా టాప్ 10లో ఉన్నారు. అత్యధికంగా సంపాదిస్తున్న సీఈవోల జాబితాలో ఎంఫాసిస్‌కు చెందిన నితిన్ రాకేష్ 6వ స్థానంలో ఉన్నారు. 2023-24 ఆర్థిక సంవత్సరానికి గాను రూ.44.13 కోట్లు తీసుకున్నాడు. దేశంలోనే అతిపెద్ద సాఫ్ట్‌వేర్ కంపెనీ అయిన టీసీఎస్ సీఈవో కె కృతివాసన్ కు రూ.25.2 కోట్లు చెల్లించింది.

కృతివాసన్ జూన్ 2023లో కంపెనీ బాధ్యతలు చేపట్టారు. దేబాషిస్ ఛటర్జీ ఎల్‌టిఐ మైండ్‌ట్రీకి సీఈఓ ఉన్నారు. ఆయనకు గత ఆర్థిక సంవత్సరానికిగానూ కంపెనీ అతనికి రూ.19.34 కోట్లు చెల్లించింది. ఈ ఏడాది ఐటీ ఉద్యోగులకు ఇంక్రిమెంట్లు ఇచ్చారు. కానీ, ఆర్థిక మందగమనం కారణంగా ఐటీ రంగంలో 7 నుంచి 9 శాతం మాత్రమే పెరుగుదల ఉండొచ్చని ఆందోళన వ్యక్తం చేశారు. ఇన్ఫోసిస్ సగటున 9 శాతం, విప్రో 9.2 శాతం జీతాలు పెంచాయి. TCS కూడా 7 నుండి 9 శాతం మధ్య జీతాల పెంచింది.