ఇన్ఫోసిస్ గుడ్ న్యూస్.. 12 వేల ఉద్యోగాలకు త్వరలో ఇంటర్వ్యూలు.. భారీగా వేతనాలు..

భారత ఐటీ రంగం ఓ కీలక మలుపులోకి అడుగుపెడుతోంది. టీసీఎస్ తాజాగా 12,000 మందికి పైగా ఉద్యోగాలు తొలగించడంతో ఉద్యోగ భద్రతపై అనేక సందేహాలు, ఆందోళనలు మొదలయ్యాయి. ముఖ్యంగా మిడ్ మరియు సీనియర్ స్థాయి ఉద్యోగులే ఈ తొలగింపుల బలికావడంతో, ఇది ఆ సంస్థ చరిత్రలో అతిపెద్ద రీమార్కింగ్‌లలో ఒకటిగా చెప్పొచ్చు.

ఇంకో వైపు, ఇన్ఫోసిస్ CEO సలీల్ పార్థేక్ మాట్లాడుతూ "మేము ఉద్యోగుల తొలగింపుల గురించి ఆలోచించడం లేదు. ఈ ఏడాది 20,000 మందిని క్యాంపస్ హైరింగ్ ద్వారా తీసుకోవాలన్న లక్ష్యంతో ఉన్నాం," అని స్పష్టం చేశారు. ఇప్పటికే కంపెనీ తొలి త్రైమాసికంలో 17,000 మందిని తీసుకుంది.

AI శిక్షణపై దృష్టి
ఇన్ఫోసిస్ ఇప్పటికే 2.75 లక్షల మందికి పైగా ఉద్యోగులను కృత్రిమ మేధస్సు (AI) సంబంధిత నైపుణ్యాల్లో శిక్షణ ఇచ్చింది. AI, క్లౌడ్ కంప్యూటింగ్, డేటా ప్లాట్‌ఫాంలపై పూర్తి దృష్టితో ఉద్యోగులకు నూతన భద్రత కల్పించే ప్రయత్నం చేస్తోంది.

పార్ఖేక్ తెలిపారు "మేము AI ట్రాన్స్ఫర్మేషన్‌పై దృష్టి పెట్టాం. చిన్న లాంగ్వేజ్ మోడల్స్ అభివృద్ధి చేయడం, AI ఏజెంట్స్ నిర్మించడం వంటి పనుల్లో ఉన్నాం." కస్టమర్లతో భాగస్వామ్యాలను గట్టిగా చేసుకుంటూ, లోపల కొత్త రోల్స్‌ను తయారుచేస్తున్నారు.

ఇన్ఫోసిస్ ఇటీవల తన FY26 రివెన్యూ అంచనాలను 1-3 శాతం వరకూ పెంచింది. అంతర్జాతీయంగా ఆర్థిక పరిస్థితులు కొంత స్థిరపడుతున్నట్లు భావిస్తోంది. గత త్రైమాసికంలో కేవలం 210 నూతన ఉద్యోగులే తీసుకున్నా, మొత్తం ఏడాదికి క్యాంపస్ రిక్రూట్మెంట్ లక్ష్యం మాత్రం మారలేదు. జీతాల విషయానికొస్తే గత రెండు త్రైమాసికాల్లోనే పెంపులు జరిగాయి. తదుపరి చక్రం త్వరలో ప్రారంభమవుతుందని స్పష్టం చేశారు.

AI ద్వారా సాఫ్ట్‌వేర్ అభివృద్ధిలో 15% వరకు ఉత్పాదకత పెరుగుతోంది. కానీ క్లిష్టమైన వ్యవస్థలలో మానవ జోక్యం తప్పనిసరి. ఉదాహరణకు, ఇన్ఫోసిస్ ఫైనాకిల్ ప్లాట్‌ఫాంలో 20% ఉత్పాదకత పెరుగుదల నమోదైంది. ఇది ఆటోమేషన్‌తో పాటు మానవ పాత్ర వల్లే సాధ్యమైంది.

గ్లోబల్ మార్కెట్‌లో మారుతున్న నియామక నమూనా గత దశాబ్దంలో టీసీఎస్, ఇన్ఫోసిస్, విప్రో, హెచ్‌సీఎల్ వంటి సంస్థలు దాదాపు 1.37 మిలియన్ మందిని ఉద్యోగంలోకి తీసుకున్నాయి. టీసీఎస్ ఒక్కదానికే 10 ఏళ్లలోనే 2.93 లక్షల ఉద్యోగులు పెరిగారు. కానీ ఇప్పుడు, "తక్కువ మందితో ఎక్కువ పని" దిశగా సంస్థలు కదులుతున్నాయి. ఆటోమేషన్, ఎఫిషియెన్సీ పెంపు, కాంపాక్ట్ టీమ్స్ దిశగా మారుతున్నారు.

ఈ మార్పులు చూస్తే, ఉద్యోగాల భద్రత ఇక పాత రోజుల్లా గ్యారంటీ కాదు. కానీ ఇన్ఫోసిస్ చూపించిన దారిలో నైపుణ్యాభివృద్ధి, AI పై స్పష్టత, కొత్త రంగాల్లో ప్రావీణ్యం సాధించడం ద్వారా ఉద్యోగ భద్రతను సాధించవచ్చు. డిజిటల్ మార్పు ఎటూ పోతున్నా మార్పులకు సరిపోయే నైపుణ్యం ఉన్నవారే రేపటి టెక్ రంగాన్ని ఆకర్షించగలరు.