అక్షయతృతీయ ఎప్పుడు ? బంగారం కొనడానికి శుభసమయం ఏది, కొనేటప్పుడు ఇవి గుర్తుంచుకోండి...

ప్రతిఏటా దేశవ్యాప్తంగా అక్షయ తృతీయ పండుగని ఘనంగా జరుపుకుంటారు. హిందూ క్యాలెండర్ ప్రకారం, అక్షయ తృతీయ వైశాఖ మాసంలోని శుక్ల పక్షం మూడవ రోజున జరుపుకుంటారు. ఈ రోజున బంగారం కొనడం లేదా కొత్త ఇల్లు లేదా కారు కొనడం వంటివి ఎంతో శుభప్రదంగా పరిగణిస్తారు. అయితే 2025 సంవత్సరం ఏప్రిల్‌ నెలలో అక్షయ తృతీయ ఎప్పుడొస్తుంది, ఏ రోజున జరుపుకుంటారు తెలుసా...

అక్షయ తృతీయ పండుగ ఏప్రిల్ 30న వస్తుంది. అక్షయ తృతీయ తిథి ఏప్రిల్ 29న సాయంత్రం 5:31 గంటలకు ప్రారంభమై ఏప్రిల్ 30న మధ్యాహ్నం 2:12 గంటల వరకు ఉంటుంది. ఈ రోజున తేదీ ప్రకారం ఏప్రిల్ 30న అక్షయ తృతీయను జరుపుకోవడం సముచితం. బంగారం లేదా ఇతర విలువైన వస్తువులను కొనడానికి, మీరు ఏప్రిల్ 29న సాయంత్రం 5:30 నుండి ఏప్రిల్ 30న మధ్యాహ్నం 3:42 వరకు అనువైన సమయం సబట్టి ఈ సమయంలో షాపింగ్ చేయవచ్చు. ముఖ్యంగా ఏప్రిల్ 30న ఉదయం 7 గంటల నుండి మధ్యాహ్నం 3:42 వరకు, మీరు బంగారం లేదా ఏదైనా విలువైన వస్తువును కొనవచ్చు.

అక్షయ తృతీయ రోజున ఏ వస్తువులు కొనడం శుభప్రదం: అక్షయ తృతీయ రోజున మీరు ఇత్తడి, కాంస్య వస్తువులను కొనుగోలు చేయవచ్చు. దీనితో పాటు, బంగారు-వెండి ఆభరణాలు లేదా నాణేలు కొనడం చాలా శుభప్రదంగా పరిగణిస్తారు. ఈ రోజున ఇల్లు, భూమి, కొత్త కారు కొనడం కూడా చాలా శుభప్రదంగా భావిస్తారు. అలాగే మీరు ఈ రోజున అల్యూమినియం వస్తువులు, స్టీల్ వస్తువులను కొనకుండా ఉండాలి ఇంకా ఈ రోజున లోన్ కూడా తీసుకోకుండా ఉండాలి.

బంగారం కొనేటప్పుడు ఈ విషయాలను గుర్తుంచుకోండి: బంగారం కొనుగోలు చేసేటప్పుడు, బంగారం బరువుపై ప్రత్యేక శ్రద్ధ వహించండి. బరువులో స్వల్ప పెరుగుదల లేదా తగ్గుదల ఉన్నప్పటికీ ధరలో భారీ తేడా కలిగిస్తుంది. ఇది ఆభరణాల వ్యాపారికి లాభం తెస్తుంది, కానీ మీరు నష్టాన్ని భరించాల్సి వస్తుంది.

బంగారు ఆభరణాలు కొనేటప్పుడు, అవి హాల్‌మార్క్ చేసి ఉన్నాయో లేదో చుడండి. బ్యూరో ఆఫ్ ఇండియన్ స్టాండర్డ్స్ (BIS) ద్వారా హాల్‌మార్కింగ్ తప్పనిసరి. బంగారం కొనుగోలు సమయంలో ఆభరణాలపై BIS హాల్‌మార్క్, ఆభరణాల వ్యాపారి గుర్తింపు గుర్తు కోసం చూడటం ముఖ్యం. BIS మార్క్ ప్రకారం తయారు చేసిన ఆభరణాలు బంగారం స్వచ్ఛత గురించి సమాచారాన్ని అందిస్తాయి. ఇది కాకుండా, ఆభరణాల గుర్తింపు గుర్తు అనేది ఆభరణాల వ్యాపారి గుర్తింపు నంబర్, అంటే మీరు బంగారం కొనుగోలు చేసిన షాప్ కోడ్. ఆభరణాల కొనుగోలు సమయంలో, ఆభరణాలపై తయారీ ఛార్జీలు కూడా కలుపుతారు. కాబట్టి, ఆభరణాలు కొనే ముందు తయారీ ఛార్జీల గురించి ఖచ్చితంగా అడగండి.