140 కోట్లకు పైగా... 2021 కొత్త ఏడాదిలో రికార్డ్‌స్థాయిలో వాట్సాప్ కాల్స్

కొత్త ఏడాది అంటే ప్రపంచమంతా సంబరాలు జరుపుకుంటుంది. ఆ సమయంలో ఒకరికొకరు శుభాకాంక్షలు చెప్పుకుంటారు. ఇదివరకు అయితే ఒకరినొకరు తారాసపడితే చెప్పుకునే పరిస్థితి. ఆ తర్వాత ఫోన్లు చేసుకొని చెప్పడం మారింది. ఈ టెక్నాలజీ కాలంలో ఇంటర్నెట్‌ను ఆశ్రయించేవారి సంఖ్య ఎక్కువగా ఉంది. వాట్సాప్ కాల్స్ ద్వారా కూడా మాట్లాడుకునే సౌకర్యం ఉన్న విషయం తెలిసిందే.

వీడియో కాల్ చేసుకోవచ్చు 2020కి గుడ్ బై చెబుతూ, 2021కి స్వాగతం చెబుతూ చాలామంది వాట్సాప్ కాల్ చేశారు. ఇది రికార్డ్ స్థాయిలో ఉండటం గమనార్హం. ఈ ఏడాది కొత్త సంవత్సరం వేళ మెసేజింగ్ యాప్ వాట్సాప్ ద్వారా 100 కోట్ల మందికి పైగా కాల్స్ చేసుకున్నారట. ఈ మేరకు సోషల్ మీడియా దిగ్గజం ఫేస్‌బుక్ వెల్లడించింది.

కొత్త ఏడాది ప్రారంభం రోజున వాట్సాప్ ద్వారా 140 కోట్ల వాయిస్, వీడియో కాల్స్ జరిగినట్లు ఫేస్‌బుక్ వెల్లడించింది. ఒకరోజులో ఇంత ఎక్కువ కాల్స్ రికార్డ్ కావడం ఇదే మొదటిసారి. 2020 కొత్త సంవత్సరంతో పోలిస్తే ఈసారి 50 శాతం ఎక్కువ ఆన్‌లైన్ కాలింగ్ నమోదయింది. ఫేస్‌బుక్, ఇన్‌స్టాగ్రామ్‌లలో 55 మిలియన్లకు పైగా లైవ్ బ్రాడ్ కాస్ట్‌లు జరిగాయి.