E Luna: కైనటిక్ ఇ లూనా వచ్చేసింది.. ధర ఎంతంటే..!

పెట్రోల్, డిజీల్ ధరలు ఎక్కువగా ఉండడంతో చాలా మంది ఈవీ వైపు మళ్లుతున్నారి. ఇప్పటికే ఈవీ కార్లు, ఈవీ స్కూటీలు వచ్చాయి. తాజాగా ఈ లూనా కూడా వచ్చేసింది. కైనటిక్ ఈవీ లూనా న్యూ లూక్ తో మార్కెట్ లో కి వచ్చింది. 50 ఏళ్ల క్రితం కైనటిక్ లూనా చాలా ఫేమస్. ఆ తర్వాత వీటిపై ఇంట్రెస్ట్ తగ్గడంతో వాటి ఉత్పత్తి నిలివేశారు. తాజాగా ఇ-లూనాను కంపెనీ ఆవిష్కరించింది. ఈ ఇ లూనాను కేంద్ర రోడ్డు రవాణా మంత్రి నితిన్ గడ్కరీ ఫిబ్రవరి 7 ఆవిష్కరించారు.

ఆటోమోటివ్ పరిశ్రమలో EV అమ్మకాలు వేగంగా పెరుగుతున్నాయని చెప్పారు. ఇ లూనా ధర రూ.69,990 నుంచి ప్రారంభమవుతుందని కంపెనీ పేర్కొంది. ఇ లూనా టైర్ సిటీలకే కాకుండాటైర్ 2, టైర్ 3 నగరాల్లో కూడా అందుబాటులోకి తీసుకొస్తామని వివరించింది."E-Luna గురించి నా దృష్టిని ఆకర్షించేది కేవలం కార్బన్ పాదముద్రను తగ్గించడం మాత్రమే కాదు. ఇది టైర్ 2, టైర్ 3 నగరాలు, భారతదేశంలోని గ్రామీణ ప్రాంతాల్లోకి చొచ్చుకుపోయే సామర్థ్యం కూడా ఉంది" అని నితిన్ గడ్కరీ అన్నారు.

కైనెటిక్ గ్రీన్ రాబోయే 12-15 నెలల్లో ఈ మోడల్ ఉత్పత్తి అభివృద్ధి, బ్రాండ్ బిల్డింగ్, మార్కెటింగ్ మొదలైన వాటి కోసం రూ.100 కోట్లు పెట్టుబడి పెట్టాలని యోచిస్తోంది. అందులో ఈ మోడల్ కోసం మహారాష్ట్రలోని అహ్మద్‌నగర్‌లోని సూపాలో 5 లక్షల యూనిట్ల E2W (ఈ-లూనాతో సహా) సామర్థ్యాన్ని ఏర్పాటు చేయడానికి దాదాపు రూ.20 కోట్లు కేటాయించారు.బహుళ విభాగాలకు అనుగుణంగా ఇ-లూనా ప్లాట్‌ఫారమ్‌ను విస్తరించాలని కంపెనీ యోచిస్తోందని కైనెటిక్ గ్రీన్ సీఈఓ తెలిపారు.

పూణేకు చెందిన ఈవీ మేకర్ వచ్చే ఆర్థిక సంవత్సరంలో లూనా ఎలక్ట్రిక్ వెర్షన్లు 1 లక్ష కంటే ఎక్కువ యూనిట్లను విక్రయించాలని లక్ష్యంగా పెట్టుకుంది.ప్రస్తుత టర్నోవర్ రూ. 350 కోట్ల నుంచి రూ. 1,200 కోట్లకు FY 25 నాటికి నాలుగు రెట్లు వృద్ధి చెందాలని లక్ష్యంగా పెట్టుకుంది. అంచనా వేసిన ఆదాయంలో వచ్చే ఆర్థిక సంవత్సరంలో కేవలం లూనా విభాగం నుంచే దాదాపు రూ.800 కోట్ల ఆదాయాన్ని కంపెనీ అంచనా వేస్తోంది.