సేవింగ్స్, కరెంట్ అకౌంట్ మధ్య తేడా ఏంటి.. ఎవరు వాడుతారు ఎవరికీ ఇస్తారంటే..

చాలసార్లు ఎటిఎం నుండి డబ్బు విత్ డ్రా చేసేటప్పుడు మీకు స్క్రిన్ పైన మీ అకౌంట్ సేవింగ్స్ లేదా కరెంటు అని అడుగుతుంది. ఎప్పుడైనా సేవింగ్స్ అకౌంట్ అంటే ఏంటి కరెంటు అకౌంట్ అంటే ఏంటి వీటి మధ్య తేడా ఏంటి అని ఆలోచించారా... అసలు సేవింగ్స్ అకౌంట్ ఎవరు వాడుతారు కరెంటు అకౌంట్ ఎవరికీ ఇస్తారు తెలుసా..

మీరు ఏదైనా స్కిం లబ్ది పొందాలనుకుంటే లేదా ఆన్‌లైన్ ట్రాన్సక్షన్స్ చేయాలనుకుంటే మీకు బ్యాంక్ అకౌంట్ తప్పనిసరి. జీతాలు పొందే ఉద్యోగులకి ప్రతినెల నెల మీ బ్యాంకు అకౌంట్లో జీతం పడుతుంది. ఏదైనా బ్యాంకులో ఆకౌంట్ ఓపెన్ చేసేటపుడు సేవింగ్ అకౌంట్, కరెంట్ అకౌంట్ అనే రెండు రకాల అకౌంట్స్ ఉంటాయి. ఈ రెండు రకాల అకౌంట్స్ డిపాజిట్లు ఇంకా ట్రాన్సక్షన్స్ చేయడానికి ఉపయోగిస్తారు. కానీ ఈ అకౌంట్స్ మధ్య చాల తేడా ఉంటుంది. అయితే సేవింగ్స్ అండ్ కరెంట్ అకౌంట్ మధ్య తేడా ఏంటంటే.. .

రెంటికి మధ్య తేడా
డబ్బు దాచుకునేందుకు లేదా సేవింగ్స్ చేయాలనే ఆలోచనతో ప్రజలు సేవింగ్స్ అకౌంట్స్ ఓపెన్ చేస్తుంటారు. అయితే సేవింగ్స్ అకౌంట్, సాలరీ అకౌంట్, జీరో బ్యాలెన్స్ అకౌంట్ ఇంకా సీనియర్ సిటిజన్ల కోసం ప్రత్యేక రకమైన అకౌంట్ ఇలాంటివి అన్ని సేవింగ్స్ అకౌంట్స్ ఉంటారు. వీటి పై రెండున్నర నుంచి నాలుగు శాతం వడ్డీ లభిస్తుంది. అలాగే కరెంట్ అకౌంట్ అనేది ప్రతిరోజు తప్పకుండా పెద్ద మొత్తంలో డబ్బు ట్రాన్సక్షన్స్ చేసే కస్టమర్ల కోసం. దీనిని ఎక్కువగా డబ్బు ట్రాన్సక్షన్స్ చేసే వారి కోసం ప్రత్యేకంగా తిసుకొచ్చారు. అయితే కరెంట్ అకౌంట్ పై వడ్డీ ఉండదు.

కనీస బ్యాలెన్స్

జీరో బ్యాలెన్స్ అకౌంట్స్, సాలరీ అకౌంట్స్ కాకుండా మిగతా సేవింగ్స్ అకౌంట్స్ అన్నిటికి కనీస బ్యాలెన్స్ ఉండడం అవసరం. మినిమమ్ బ్యాలెన్స్ లేకపోతే చార్జెస్ విధిస్తారు. కానీ కరెంట్ అకౌంట్‌లో అలా జరగదు. ఇంకా పెద్ద మొత్తంలో డబ్బు విత్‌డ్రా చేసుకోవచ్చు.

ట్రాన్సక్షన్స్ లిమిట్ ఎంత?

సేవింగ్స్ అకౌంటుపై ఒక నెలలో ఎన్ని ట్రాన్సక్షన్స్ చేయవచ్చు అనే దానిపై లిమిట్ ఉంటుంది, కానీ కరెంటు అకౌంటులో అలాంటి పరిమితి లేదు. అంతేకాకుండా, సేవింగ్స్ అకౌంట్లో ఉండే మీ మొత్తంపై కూడా లిమిట్ ఉంటుంది, అయితే కరెంట్ అకౌంట్లో అలాంటి లిమిట్ లేదు.

పన్ను నియమాలు
సేవింగ్స్ అకౌంట్ వడ్డీ ఉంటుంది, వడ్డీ రూపంలో కస్టమర్కి వచ్చే మొత్తం ఆదాయపు పన్ను శాఖ పరిధిలోకి వస్తుంది, అయితే కరెంట్ అకౌంట్ పై వడ్డీ ఉండదు, ఇంకా పన్ను పరిధిలోకి రాదు.