గడువు ముగిసింది: ఎలాన్ మస్క్‌కు ట్విట్టర్ షాక్

టెస్లా ఇంక్ అధినేత ఎలాన్ మస్క్‌కు మైక్రో బ్లాగింగ్ వెబ్ సైట్ ట్విట్టర్ షాకిచ్చింది. ట్విట్టర్ కొనుగోలుకు సంబంధించి ఎలాన్ మస్క్‌కు ఇచ్చిన గడువు ముగిసిందని తెలిపింది. షరతులకు లోబడి మస్క్ కొనుగోలును పూర్తి చేయాలి. ఈ కొనుగోలు జరగాలంటే ట్విట్టర్ స్టాక్ హోల్డర్ల ఆమోదం అవసరం. ఇందుకు వర్తించే రెగ్యులేటరీ ఆమోదాలు ఉన్నాయని ట్విట్టర్ తెలిపింది.

హెచ్ఎస్ చట్టం నిబంధనల మేరకు భారీ ట్రాన్సాక్షన్స్ పైన ఫెడరల్ ట్రేడ్ కమిషన్, యూఎస్ డిపార్టుమెంట్ ఆఫ్ జస్టిస్ యాంట్రీట్రస్ట్ డివిజన్లు రివ్యూ చేయాలి. రివ్యూ అనంతరం ట్విట్టర్ కొనుగోలు ఉంటుంది.

దాదాపు 44 బిలియన్ డాలర్లతో ట్విట్టర్‌ను కొనుగోలు చేయాలని మస్క్ భావించారు. ఈ మేరకు ఒప్పందం కూడా జరిగింది. ఆరు నెలల్లో ట్విట్టర్ ఎలాన్ మస్క్ చేతికి వెళ్లాలి. కానీ ఫేక్ అకౌంట్స్ అంశంపై సమాచారం ఇవ్వాలని మస్క్ డిమాండ్ చేస్తున్నారు. ఈ అభ్యర్థనను ట్విట్టర్ తిరస్కరించింది. దీంతో ఈ డీల్‌ను తాత్కాలికంగా హోల్డ్‌లో ఉంచారు.