H-1B వేతనాల కొత్త సిస్టమ్ భారతీయ ITకి లాభమా లేక పెద్ద నష్టమా?

ట్రంప్ ప్రభుత్వం ప్రతిపాదించిన H-1B వీసాలో మార్పులు ఎక్కువ జీతం ఇచ్చే కంపెనీలకే ప్రాధాన్యం ఇస్తారనే విషయం విన్న వెంటనే చాలా మంది "ఇది ఇండియన్ IT కంపెనీలకు దెబ్బ" అనుకున్నారు. కానీ, తాజా విశ్లేషణలు చూస్తే, అంత పెద్ద నష్టం లేదేమో అని నిపుణులకి అనిపిస్తోంది. కొత్త సిస్టమ్‌లో కేవలం జీతం ఒకటే కాదు. అనుభవం, నైపుణ్యం, పని చేసే ప్రదేశం లాంటి విషయాలనూ పరిగణనలోకి తీసుకుంటారు. అందుకే కొన్ని సందర్భాల్లో మన IT ఔట్‌సోర్సింగ్ కంపెనీలకే ప్రయోజనం కలగొచ్చు.

అమెరికాలోని ఇన్‌స్టిట్యూట్ ఫర్ ప్రోగ్రెస్ (IFP) చేసిన ఒక స్టడీ ప్రకారం, H-1B వీసా సిస్టమ్‌లో జీతం ఎక్కువ అని ఎప్పుడూ ప్రాధాన్యం వస్తుందని అనుకోవడం కరెక్ట్ కాదు. ఉదాహరణకి, సంవత్సరానికి కేవలం $40,000 సంపాదించే ఒక సోషల్ వర్కర్ లేదా ఆక్యుపంక్చరిస్ట్ కూడా, $2,80,000 జీతం తీసుకునే ఓ AI సైంటిస్ట్ కంటే ర్యాంకింగ్‌లో ముందుకు రావచ్చు. విని ఆశ్చర్యంగా అనిపించినా, కొత్త సిస్టమ్‌లో స్కిల్స్, అనుభవం, సీనియారిటీ లాంటి విషయాలు కూడా పరిగణనలోకి వస్తాయనే దానికి ఇది ఉదాహరణ.

అదే రిపోర్ట్ చెబుతున్న మరో ముఖ్యమైన విషయం ఏమిటంటే పెద్ద IT ఔట్‌సోర్సింగ్ కంపెనీలకు వాస్తవానికి 8% వరకు ఎక్కువ H-1B వీసాలు దక్కే అవకాశం ఉందట. దీని వెనక కారణం చాలా సింపుల్. ఈ కంపెనీలు ఎక్కువగా ఎంట్రీ లెవల్ (Wage Level I) ఉద్యోగులను కాకుండా, మధ్యస్థాయి అనుభవం ఉన్న ఉద్యోగులను (Wage Levels II & III) ఎక్కువగా నియమించుకుంటాయి. ఈ మధ్యస్థాయి వర్కర్స్‌కి సాధారణంగా కొంచెం ఎక్కువ జీతం ఉంటుంది, అలాగే కొంత అనుభవం కూడా ఉంటుంది. కొత్త సిస్టమ్‌లో ఇలాంటి వారికే ఎక్కువ ప్రాధాన్యం ఇస్తారు. అందుకే, పెద్ద కంపెనీలు ఎప్పటిలాగే తక్కువ వేతనంతో కొత్తగా జాయిన్ అయ్యే ఫ్రెషర్స్‌ను కాకుండా, కొంచెం అనుభవం ఉన్నవారిని తీసుకోవడం వలన, కొత్త H-1B నియమాల కింద వారు మరింత లాభం పొందే అవకాశముంది.

చాలామంది ఇలానే అనుకుంటారు Level IV అంటే ఎల్లప్పుడూ ఎక్కువ జీతం, Level I అంటే తక్కువ జీతం" అని. కానీ వాస్తవం అంత సింపుల్ కాదు. జీతం కేవలం Level కిందే ఆధారపడదు. కొన్ని Level II ఉద్యోగాలు మాత్రం అమెరికాలోనే అత్యధిక వేతనం ఇచ్చే జాబ్స్‌గా ఉండవచ్చు, అంటే కేవలం Level IV అని ఎక్కువ జీతం అని తేలదు. కొత్త H-1B సిస్టమ్ ఈ విషయాన్ని పరిగణలోకి తీసుకుంటుంది. అందుకే, Level II, III వర్కర్స్‌కు ఎక్కువ అవకాశాలు ఇవ్వబడుతున్నాయి. దీని వలన పెద్ద IT కంపెనీలు, మధ్యస్థాయి అనుభవం ఉన్న ఉద్యోగులను తీసుకోవడంలో లాభపడతాయి, ఎందుకంటే వీరి ఉద్యోగులపై ఎక్కువ ప్రాధాన్యం వస్తుంది మరియు వారిని H-1B ద్వారా అమెరికాకు తీసుకురావడంలో ఛాన్స్ పెరుగుతుంది.

వీసా నేషన్ లా కి చెందిన శిల్ప మాలిక్ చెబుతున్నది ఏంటంటే "Level I వర్కర్స్‌ పై బాగా ఆధారపడిన కంపెనీలు కష్టాల్లో పడతాయి. కానీ కొంచెం అనుభవం ఉన్న Level II లేదా III ఉద్యోగులను తీసుకుంటే, ర్యాండమ్ లాటరీ కన్నా బెటర్ ఛాన్స్ వస్తుంది". నిషిత్ దేశాయ్ అసోసియేట్స్లోని దీప్తి ఠక్కర్ మాటల్లో "ఇక నుంచి అమెరికన్ కంపెనీలు పూర్తిగా చవకగా దొరికే ఫారిన్ వర్కర్స్‌పై ఆధారపడలేవు. ఎంట్రీ లెవెల్ జాబ్స్ కోసం స్థానికులనే హైర్ చేయాల్సి వస్తుంది" అని చెప్పారు.

ఆఫీషియల్ డేటా కూడా అదే చెబుతోంది. ఉదాహరణకి, టాప్ H-1B స్పాన్సర్‌లలో కాగ్నిజెంట్, ఇన్ఫోసిస్ సగటున ఉద్యోగులకు $84,000 జీతం చెల్లిస్తాయి. అదే సమయంలో, ఆపిల్, గూగుల్ వంటి టెక్ దిగ్గజ కంపెనీలు ఉద్యోగులకు సగటుగా దాదాపు 40% ఎక్కువ జీతం ఇస్తారు. అంటే, పెద్ద IT ఔట్‌సోర్సింగ్ కంపెనీలు కొద్దిగా తక్కువ వేతనంతో కూడా H-1B ఉద్యోగులను నియమిస్తుంటే, వారు ఇంకా లాభపడే అవకాశం ఉంది.

కానీ ఇక్కడ కొన్ని రిస్కులు కూడా ఉన్నాయి. అన్ని కంపెనీలు తక్కువ ఖర్చుతో వర్కర్స్ తీసుకుని, వారిని ట్రెయిన్ చేయడం ద్వారా సమస్యను సొల్వ్ చేయగలవు అనుకోవడం సరైనది కాదు. ఇది అన్ని పరిస్థితుల్లో కూడా పని చేయకపోవచ్చు. కొత్త నిపుణుల రేంజ్, స్కిల్స్, అనుభవం వంటి విషయాలు చాలా ముఖ్యమై ఉంటాయి. చివరికి ఎక్స్‌పీరియెన్స్, నాణ్యమైన ట్రైనింగ్, క్వాలిటీ వర్క్ ఆధారంగా మాత్రమే ఉద్యోగులను సక్సెస్‌ఫుల్‌గా నియమించగలరు. చిన్న IT కంపెనీలు కొంచెం ఇబ్బంది పడొచ్చు. కానీ పెద్ద ఔట్‌సోర్సింగ్ కంపెనీలు "స్టాఫింగ్ మోడల్ మార్చుకుని, మధ్యస్థాయి అనుభవం ఉన్న ఉద్యోగులను ఫోకస్ చేస్తే" కొత్త H-1B సిస్టమ్ వాళ్లకే లాభం కావచ్చు.