Bonus Shares: ఫ్రీ ఫ్రీ ఫ్రీ.. ఒక్క షేరు ఉంటే 7 షేర్లు.. మెగా బోనస్ అందిస్తున్న స్టాక్..

Bonus Shares: ప్రస్తుతం దేశంలో జూన్ మాసంతో ముగిసిన త్రైమాసికానికి చాలా కంపెనీలు తమ ఆర్థిక ఫలితాలను విడుదల చేస్తున్నాయి. ఈ క్రమంలో తమ ఇన్వెస్టర్లకు బోనస్ షేర్లు, డివిడెండ్లను ప్రకటిస్తున్నాయి.

తాజాగా VR ఫిల్మ్స్ & స్టూడియోస్ లిమిటెడ్ తన వాటాదారులకు పెద్ద శుభవార్త ప్రకటించింది. దీంతో వారు బలమైన రాబడిని పొందబోతున్నారు. కంపెనీ త్వరలో ఇన్వెస్టర్లకు బోనస్ షేర్లను అందిస్తోంది. ఇటీవల మీడియా సంస్థ 7:1 నిష్పత్తిలో బోనస్ షేర్లను ప్రకటించింది. అంటే ఒక్కో షేరుకు కంపెనీకి చెందిన ఏడు షేర్లు బోనస్ రూపంలో అర్హత కలిగిన ఇన్వెస్టర్లకు ఉచితంగా అందిచబడతాయి.

కంపెనీ నుంచి ప్రకటన వెలువడిన నాటి నుంచి షేర్లు మార్కెట్లో నిరంతరం అప్పర్ సర్క్యూట్‌ను తాకుతూ ఉన్నాయి. జూలై 21 శుక్రవారం స్టాక్ 5% పెరిగి రూ.371.75 వద్ద ముగిసింది. గత ఐదు రోజుల్లో స్టాక్ 21% కంటే ఎక్కువ లాభపడి ఇన్వెస్టర్లకు డబుల్ ధమాకా రాబడులను అందించింది. దీనికి తోడు త్వరలో ఉచిత షేర్లు రావటం ఇన్వెస్టర్లను ఆనందానికి గురిచేస్తోంది.

7:1 నిష్పత్తిలో బోనస్ షేర్లను అందించేందుకు బోర్డు ఆమోదించిందని జూలై 15, 2023న బొంబాయి స్టాక్ ఎక్స్ఛేంజ్(BSE)కి రెగ్యులేటరీ ఫైలింగ్‌లో కంపెనీ వెల్లడించింది. దీనికోసం 26 జూలైని రికార్డు తేదీగా ప్రకటించింది. అంటే ఈ సమయానికి కంపెనీ రికార్డుల్లో షేర్లు కలిగి ఉన్న ఇన్వెస్టర్లు మాత్రమే ఉచిత షేర్లు పొందేందుకు అర్హులు. అలాగే గడచిన రెండేళ్ల కాలంలో 250 శాతానికి పైగా మల్టీబ్యాగర్ రాబడులను స్టాక్ అందించింది. ఐదేళ్లలో 519.58% బలమైన రాబడిని ఇచ్చింది. ఈ సమయంలో దీని ధర రూ.60 నుంచి ప్రస్తుత స్థాయికి పెరిగింది.