ప్రియారిటీ ప్లాన్ డేటాపై ట్రాయ్‌కు వొడాఫోన్ ఐడియా

రెడ్ఎక్స్ ప్లాన్ సబ్‌స్క్రైబర్లకు అధిక వేగంతో డేటా ఇస్తామన్న హామీని విరమించుకున్నట్లు వొడాఫోన్ ఐడియా(వి).. టెలికం నియంత్రణ సంస్థ ట్రాయ్‌కు సమాచారం అందించింది. సవరించిన పథకాల వివరాలను ట్రాయ్‌కు సమర్పించనుందని తెలుస్తోంది. కంపెనీ వెబ్ సైట్‌లో కూడా ఎక్కువ చెల్లించండి, ప్రాధాన్యత సేవలు పొందండి అనే క్యాప్షన్ తొలగిస్తోంది.

4Gలో అధిగ వేగంతో అపరిమతి డేటా అనేది ఈ స్కీం ఉద్దేశ్యమని గతంలో వొడాఫోన్ ఐడియా తెలిపింది. ఇందుకు బదులుగా ప్రియారిటీ ప్లాన్ వారికి లభించే వినోదపరమైన సదుపాయాలు, పర్యాటక ప్రోత్సాహకాలు, రవాణా ప్రయోజనాల వంటి వాటిని చూపుతున్నారు. దీనిపై వొడాఫోన్ ఐడియా స్పందించాలి.

కొద్దిరోజులుగా ప్రియారిటీ స్కీమ్ వ్యవహారం ట్రాయ్ సమీక్షలో ఉంది. వీఐఎల్‌కు షోకాజ్ నోటీసు జారీ చేసింది ట్రాయ్. భారతీ ఎయిర్‌టెల్ కూడా ప్లాటినం పేరుతో ఇలాంటి ఆఫర్ ప్రకటించింది. ట్రాయ్ ఆదేశాల నేపథ్యంలో వెనక్కి తీసుకుంది.