"వోకల్ ఫర్ లోకల్" తో వికసిత భారత్.... ప్రధాని మోదీ 79వ స్వాతంత్ర్య దినోత్సవ ప్రసంగం

స్వాతంత్ర్య దినోత్సవం సందర్భంగా ఎర్రకోటపై నుంచి 12వసారి జాతీయ పతాకాన్ని ఎగురవేసి ప్రసంగించిన ప్రధాన మంత్రి నరేంద్ర మోదీ, దేశ అభివృద్ధి కోసం ప్రతి ఒక్కరూ స్వదేశీ ఉత్పత్తులను ప్రోత్సహించాలని ప్రసంగించారు. ఈ 79వ స్వాతంత్ర్య దినోత్సవంలో ఆయన ముఖ్యంగా ' వోకల్ ఫర్ లోకల్'(Vocal For Local)ని ప్రాముఖ్యతగా ప్రస్తావించారు. "మన దేశం స్వాతంత్ర్యం పొందడానికి ఎంతో త్యాగం చేసింది. అదే విధంగా, ఈ తరం స్థానిక ఉత్పత్తులను ప్రోత్సహిస్తూ, స్వదేశీ వస్తువులు కొనుగోలు చేస్తే, అభివృద్ధి చెందిన భారతదేశాన్ని మనం నిర్మించవచ్చు" అని ఆయన చెప్పారు. ఇది ఏ ఒక్క రాజకీయ పార్టీ ఆజెండా కాదని, భారతదేశం అందరదని, కాబట్టి ప్రతీ ఒక్కరూ ఈ మంత్రాన్ని ఆచరణలో పెట్టాలని పిలుపునిచ్చారు.

మోదీ మాట్లాడుతూ, ఆత్మనిర్భర్ భారత్ లక్ష్యాన్ని సాధించడానికి 'వికసిత భారత్' దిశగా కదలాలంటే మనము తయారు చేసే వస్తువులకు ప్రాధాన్యం ఇవ్వాలని సూచించారు. దిగుమతులపై ఆధారపడకుండా, మన దేశంలో తయారయ్యే ఉత్పత్తులనే ఉపయోగించాలని అన్నారు. రక్షణ రంగంలోనూ, యుద్ధ సామర్థ్యాల్లోనూ, ఇంధన మరియు ఖనిజ వనరులలోనూ ఇతరుల మీద ఆధారపడకుండా సాధించాలనే లక్ష్యాన్ని గుర్తు చేశారు. 'ఆపరేషన్ సింధూర్'లో పాల్గొన్న సైనికులను ఆయన ప్రశంసించారు.

మోదీ స్వతంత్ర భారత దేశాన్ని ఆత్మనిర్భరంగా తయారు చేయాల్సిన అవసరాన్ని చెప్పారు. "మనం ఎల్లప్పుడూ ఇతర దేశాలపై ఆధారపడితే నిజమైన స్వాతంత్ర్యం ఉండదు. ఆత్మనిర్భరత అంటే కేవలం దిగుమతులు, ఎగుమతులు లేదా డబ్బు పరిమితం కాదు. అది మన శక్తి, ప్రతిభ, పరిశ్రమలు, సాంకేతికత మరియు స్వదేశీ సామర్థ్యంతో నేరుగా సంబంధం కలిగి ఉంటుంది.

ఈ విధంగా, ప్రతి భారతీయుడు స్థానిక ఉత్పత్తులను కొనడం, దేశీయ పరిశ్రమలను ప్రోత్సహించడం ద్వారా భారత్ ను బలవంతమైన, తన శక్తితో స్వతంత్రంగా నిలిచే దేశంగా మార్చుకోవాలని ఆయన పిలుపునిచ్చారు.

తన ప్రసంగంలో, ' వోకల్ ఫర్ లోకల్' మంత్రాన్ని ముందుకు తీసుకెళ్లడంలో రాజకీయ నాయకులు, సోషల్ మీడియా ఇన్‌ఫ్లూయెన్సర్లు, వ్యాపారులు, సాధారణ ప్రజలంతా సహకరించాలని కోరారు. "భారతదేశం అందరిది అందువల్ల మనందరం కలిసికట్టుగా స్వదేశీ ఉత్పత్తుల వినియోగాన్ని అలవాటు చేసుకోవాలి. దీన్నే నిజమైన దేశభక్తి" అని మోదీ అన్నారు. ఆయన మాటల్లో స్వాతంత్ర్యాన్ని సాధించిన ఆ తరం చేసిన త్యాగాన్ని ఈ తరం స్థానిక ఉత్పత్తుల వినియోగంతో కొనసాగించి, ఆత్మనిర్భర్ భారత్, వికసిత భారత్ లక్ష్యాన్ని చేరుకోవాలని చెప్పారు.

ప్రధాని, 'ఆపరేషన్ సింధూర్'లో పాల్గొన్న భారత సైనికుల ధైర్యాన్ని ప్రశంసించారు. రక్షణ రంగంలో స్వదేశీ సామర్థ్యాలను పెంపొందించడం ఎంత ముఖ్యమో గుర్తు చేశారు. అమెరికా వాణిజ్య ఒత్తిళ్లను ప్రస్తావిస్తూ, విదేశీ ఆధారాన్ని తగ్గించకపోతే దీర్ఘకాలంలో నష్టం కలుగుతుందని హెచ్చరించారు. "రక్తం మరియు నీరు కలిసి ప్రవహించవు" అన్న మాటతో జల వనరుల ప్రాముఖ్యతను, సరిహద్దు సమస్యలపై దేశ దృఢసంకల్పాన్ని ప్రతిబింబించారు.

అలాగే, అంతరిక్ష పరిశోధన, శక్తి వనరులు, కీలక ఖనిజాల ఉత్పత్తి వంటి రంగాల్లో భారత స్వయం సామర్థ్యాన్ని పెంపొందించుకోవాలని పిలుపునిచ్చారు. కరోనా మహమ్మారి నుండి ఉగ్రవాదం వరకు ఎన్నో సవాళ్లను ఎదుర్కొని దేశం ముందుకు సాగిందని, భవిష్యత్‌లో మరింత బలమైన భారతదేశం నిర్మాణం కోసం ప్రజలంతా కలిసికట్టుగా పనిచేయాలని మోదీ హితవు పలికారు.