విరాట్ కోహ్లీ గురువుని చూసారా ? అతనికి ఒక్క రోజుకి ఎంత ఖర్చవుతుందో తెలుసా..

భారత క్రికెట్ టీంలో ప్రస్తుతం అందరి ఫెవరెట్ బ్యాట్స్ మ్యాన్ విరాట్ కోహ్లీ తాజాగా టెస్ట్ క్రికెట్ నుంచి రిటైర్మెంట్ ప్రకటించిన సంగతి మీకు తెలిసిందే. అయితే రిటైర్మెంట్ ప్రకటించిన వెంటనే కోహ్లీ తన భార్య అనుష్క శర్మతో కలిసి ప్రేమానంద జీ మహారాజ్ ఆస్థానానికి వెళ్లారు. ప్రేమానంద జీ మహారాజ్ ఆస్థానంలో విరాట్ కోహ్లీ, అనుష్క శర్మ కనిపించడం ఇదేం మొదటిసారి కాదు. గతంలో కూడా ప్రేమానంద ఆశీర్వాదం పొందడానికి చాలాసార్లు ఇక్కడికి వచ్చారు. ఏదైనా శుభకార్యం చేసే ముందు, విజయం సాధించిన తర్వాత వీరు ప్రేమానంద జీ మహారాజ్ వద్దకు వెళతారు.

ప్రేమానంద మహారాజ్ గారి మాట వినాలని చాల మంది కోరుకుంటారు. ఆయనకి భక్తులు దేశంలోనే కాదు, ప్రపంచవ్యాప్తంగా ఉన్నారు. ప్రేమానంద మహారాజ్ ప్రస్తుత కాలంలో చాలా పేరు పొందారు. ఈ కీర్తి కారణంగా అతను కోట్ల విలువైన సంపదను సంపాదించారు కూడా, అందరూ తెలుసుకోవాలనే ఆసక్తికరమైన విషయం, విరాట్ కోహ్లీ గురువు ప్రేమానంద జీ మహారాజ్ ఎంత సంపన్నుడు, ఆయన ఒక రోజులో ఎంత ఖర్చు చేస్తారు అని...

సామాజిక సేవ చేస్తున్న ఆశ్రమం : ప్రేమానంద మహారాజ్ ఆశ్రమం మధురలో ఉంది, ఇది కేవలం ఒక సాధారణ ఆశ్రమం కాదు. ఇక్కడ ప్రతిరోజూ వందలాది మంది భక్తులు వచ్చి ఆహారం తిని, ఆధ్యాత్మిక విద్యను పొందే ప్రదేశం. ప్రతిరోజూ ఆశ్రమంలో పెద్ద సంఖ్యలో ప్రజలకు ఉచిత ఆహారం అందిస్తుంటారు, ఇది కాకుండా చాల సామాజిక కార్యకలాపాలు కూడా జరుగుతాయి.

Take a Poll

ఒక రోజు ఖర్చు కోట్లలో : ప్రేమానంద మహారాజ్ ఆశ్రమంలో ప్రతిరోజూ దాదాపు రూ.3 కోట్లు ఖర్చు అవుతుందని నివేదికలు చెబుతున్నాయి. ఈ మొత్తంలో ఆహారం, సేవ పనులు ఇంకా ఇతర ఏర్పాట్ల ఖర్చులు ఉంటాయి. ఇక్కడికి వచ్చే భక్తులకు అన్ని రకాల సౌకర్యాలు ఉన్నాయి ఇంకా ఇవన్నీ పూర్తిగా ఉచితం కూడా.

ప్రేమానంద మహారాజ్ తన వ్యక్తిగత ఖర్చుల గురించి మాట్లాడితే తాను రోజూ 400-500 రూపాయల విలువైన ఆహారం తింటానని చెప్పారు. నాకు స్నేహితులు లేరు. నా దగ్గర ఒక్క రూపాయి కూడా లేదని మహారాజ్ జీ చెబుతున్నారు. నా దగ్గర మొబైల్ ఫోన్ లేదు, ఉండదు కూడా. నేను ఇంటి నుండి బయటకు వెళ్ళినప్పుడు ఎలా ఉన్నానో నేడు అలాగే ఉన్నాను. ఒక్క చెంచా కూడా నాది కాదు. ప్రభుత్వ డాకుమెంట్స్'లో ఎక్కడా ప్రేమానంద అనే పేరు లేదు. నా దగ్గర బ్యాంకు అకౌంట్ కూడా లేదు, ప్రేమానంద సంతకం అవసరమయ్యే పేపర్స్ కూడా లేవు. అతని మొత్తం సంపద విలువ గురించి చెప్పాలంటే, అతని పేరు మీద ఒక్క రూపాయి కూడా లేదు, అతనికి ఇల్లు లేదా భూమి కూడా లేదు.

డబ్బు ఎక్కడి నుండి వస్తుంది: ప్రేమానంద మహారాజ్ ఆశ్రమానికి ఇంత పెద్ద ఆర్థిక సహాయం అందడానికి ప్రధాన మూలం భక్తుల నుండి వచ్చే విరాళాలే. ఆయన భక్తులలో చాలా మంది పెద్ద వ్యాపారవేత్తలు, ప్రముఖ వ్యక్తులు ఉన్నారు, ఈ ఆశ్రమానికి క్రమం తప్పకుండా ఆర్థిక సహాయం అందిస్తారు. దీనితో పాటు మహారాజ్ జీ ప్రసంగాలు, మతపరమైన కార్యక్రమాలు కూడా ఆశ్రమానికి ప్రధాన ఆదాయ కారణాలు.

ప్రేమానంద మహారాజ్ ఒక గొప్ప ఆశ్రమాన్ని నడుపుతున్నప్పటికీ, ఆయన వ్యక్తిగత జీవితం చాలా సాదా సీదాగా ఉంటుంది. ఆయన తన భక్తులు, ఫాలోవర్లకు సహజమైన జీవనం, ఉన్నత ఆలోచనల సందేశాన్ని అందిస్తారు. విరాట్ కోహ్లీ వంటి పెద్ద స్టార్లు కూడా అతని ఆలోచనలు ఇంకా మార్గదర్శకత్వంలో ప్రయాణిస్తుంటారు.