Vijaya Dairy: విజయ డైరీ నుంచి మరో 100 కొత్త ఉత్పత్తులు..

విజయ డెయిరీని లాభాల్లోకి తెవడానికి ప్రభుత్వం ప్రయత్నం చేస్తోంది. తాజాగా విజయ డెయిరీ రాష్ట్రవ్యాప్తంగా మరో 2000 అవుట్​లెట్స్​ను ప్రారంభించడంతోపాటు​ మరో 100 కొత్త ప్రొడక్టులను తేనుందని తెలంగాణ రాష్ట్ర డెయిరీ డెవలప్‌‌‌‌‌‌‌‌‌‌మెంట్ కో-ఆపరేటివ్ ఫెడరేషన్ (టీఎస్​డీడీసీఎఫ్​) వెల్లడించింది. హైదరాబాద్ ​లో శుక్రవారం హైటెక్స్‌‌‌‌లో డెయిరీ/ఫుడ్ ప్రొడక్ట్స్, ప్రాసెసింగ్ & ప్యాకేజింగ్‌‌‌‌తో కూడిన ట్విన్ డెయిరీ అండ్ ఫుడ్ ఎగ్జిబిషన్​ ను హోం మంత్రి మహ్మద్ అలీ ప్రారంభించారు.

ఈ ఎగ్జిబిషన్ మూడు రోజుల పాటు నిర్వహిస్తారు. ఒకప్పుడు మూతపడిన విజయ డెయిరీ ఇప్పుడు బాగా పనిచేస్తోందని టీఎస్​డీడీసీఎఫ్ చైర్మన్​ సోమ భరత్ కుమార్ వెల్లడించారు. గత ఆర్థిక సంవత్సరంలో రూ.700 కోట్ల టర్నోవర్ సాధించిందని చెప్పారు. ఈ ఆర్థిక సంవత్సరానికి రూ.1000 కోట్ల టర్నోవర్​ ను లక్ష్యంగా పెట్టుకున్నారు. ప్రస్తుతం విజయా డెయిరీకి సుమారు 1000 అవుట్‌‌‌‌లెట్స్​ ఉన్నాయని పేర్కొన్నారు. విజయ డెయిరీలో 27 ఉత్పత్తులు విక్రయిస్తున్నారు.

తాజాగా మిల్క్ షేక్, కాఫీ, టీ, ఫ్లేవర్డ్ మిల్క్, ఐస్ క్రీం, కుల్ఫీ, కుకీలు, హెల్త్ బార్‌‌‌‌లు మొదలైన 100 ఉత్పత్తులను తీసుకురాబోతున్నట్లు చెప్పారు.హైదరాబాద్ ​కు ప్రతిరోజు కోటి లీటర్ల పాలు అవసరమని... ఉత్పత్తి 70 లక్షలు మించడం లేదని చెప్పారు. పాల ఉత్పత్తిని పెంచడానికి రెండు లక్షల జంతువులను కొని రైతులకు అప్పగిస్తామన్నారు. ఈ ఎగ్జిబిషన్ లో కాఫీ బోర్డ్ ఆఫ్ ఇండియా, గోద్రెజ్ క్రీమ్‌‌‌‌లైన్ జెర్సీ ప్రొడక్ట్స్, దొడ్ల డెయిరీ వంటి 105 మంది ఎగ్జిబిటర్లు పాల్గొన్నారు.