ఫోర్లు సిక్సులు వద్దు.. డిఫెన్స్ ఆడండి! ఇన్వెస్టర్లకు నిపుణుడి సలహా!

క్రికెట్‌లో దూకుడుగా ఫోర్లు, సిక్సులు కొట్టే విధానం ఎప్పుడూ ఆకర్షణీయమే. కానీ, మార్కెట్ పరిస్థితులు కఠినంగా ఉన్నప్పుడు 'డిఫెన్స్' (Defense) ఆడటం తెలివైన నిర్ణయం. స్టాక్ మార్కెట్‌లో మల్టీబ్యాగర్ స్టాక్స్‌తో కోట్లు సంపాదించి పేరు తెచ్చుకున్న ప్రముఖ ఇన్వెస్టర్ విజయ్ కేడియా (Vijay Kedia) ఇప్పుడు సరిగ్గా ఇదే విషయాన్ని రిటైల్ ఇన్వెస్టర్లకు సూచిస్తున్నారు.

వేగంగా దూసుకుపోయే 'చిరుత స్టాక్స్' (Cheetah Stocks) ను వదిలి, నెమ్మదిగా, స్థిరంగా పెరిగే 'నత్త స్టాక్స్' (Tortoise Stocks) వైపు ఆయన మళ్లారు. ప్రస్తుత మార్కెట్ పరిస్థితుల్లో డబ్బు సంపాదించడం కంటే డబ్బును కాపాడుకోవడమే (Defense Strategy) ముఖ్యమని ఆయన గట్టిగా చెబుతున్నారు.

ఎందుకు 'డిఫెన్స్' ఆడాలి?

సాధారణంగా ఎప్పుడూ దూకుడుగా ఉండే విజయ్ కేడియా.. ఇప్పుడు తన వ్యూహాన్ని మార్చుకోవడానికి గల కారణాలను వివరించారు

• మల్టీబ్యాగర్ల కొరత: ప్రస్తుతం మార్కెట్‌లో వేగంగా పెరిగే, అధిక లాభాలు ఇచ్చే మల్టీబ్యాగర్ స్టాక్స్‌ను (Multibagger Stocks) కనిపెట్టడం చాలా కష్టంగా మారిందని ఆయన అంటున్నారు.
• అధిక రిస్క్: నిఫ్టీ రికార్డు స్థాయిలో ఉన్నప్పటికీ, మార్కెట్‌ను కేవలం కొన్ని పెద్ద స్టాక్స్‌ మాత్రమే నడిపిస్తున్నాయి. మిడ్‌క్యాప్స్, స్మాల్‌క్యాప్స్ ఇంకా అధిక విలువల్లో (High Valuation) ఉన్నాయి, కాబట్టి వాటిలో పెట్టుబడి పెట్టడం ఇప్పుడు చాలా రిస్క్తో కూడుకున్నది.
• డబ్బు భద్రత ముఖ్యం: "ముందుగా డబ్బును కాపాడుకోవడం ముఖ్యం" అని కేడియా నొక్కి చెప్పారు. అందుకే ఎక్కువ రిస్క్ ఉన్న మార్గాలను ఎంచుకోకుండా, స్థిరత్వం ఇచ్చే వాటిపై దృష్టి పెట్టాలని సూచించారు.

విజయ్ కేడియా కొత్త 'డిఫెన్స్' స్టాక్స్

వేగం కంటే భద్రత ముఖ్యమని భావిస్తున్న కేడియా, తన పోర్ట్‌ఫోలియోలో స్థిరత్వాన్ని ఇచ్చే స్టాక్స్‌ను చేర్చారు. రిటైల్ ఇన్వెస్టర్లు (Retail Investors) కూడా ఈ స్టాక్స్‌ను పరిశీలించవచ్చు:

• PSU బ్యాంక్ స్టాక్స్: ఆయన ప్రస్తుతం ప్రభుత్వ రంగ బ్యాంక్ (PSU Bank Stocks) స్టాక్స్ వైపు ఎక్కువగా మొగ్గు చూపుతున్నారు. ఈ స్టాక్స్ తక్కువ విలువల్లో అందుబాటులో ఉండటంతో పాటు స్థిరంగా వృద్ధి చెందే అవకాశం ఉంది. భారత ఆర్థిక వ్యవస్థ బలంగా ఉన్నప్పుడు, బ్యాంకుల బ్యాలెన్స్ షీట్లు బలోపేతం అవుతాయని.. కాబట్టి ఈ స్టాక్స్‌లో పెట్టుబడి పెట్టడం సేఫ్ బెట్ అని ఆయన నమ్ముతున్నారు.
• చైనా ETF లు: దేశీయ స్టాక్స్‌తో పాటు చైనా ఈటీఎఫ్ (China ETF) లలో కూడా పెట్టుబడి పెడుతున్నట్లు తెలిపారు. ఇవి తక్కువ రిస్క్ తో భరోసా ఇస్తాయని చెప్పారు.

IPO లపై గట్టి హెచ్చరిక!

ప్రస్తుతం మార్కెట్‌లో అతి ఉత్సాహంతో జరుగుతున్న ఐపీఓ (IPO) లపై విజయ్ కేడియా గట్టి హెచ్చరిక చేశారు.

• అతి ఉత్సాహం ప్రమాదకరం: 200-500 రెట్లు P/E రేషియోతో వస్తున్న IPO లను కొనడం చాలా ప్రమాదకరం.
• సులభ మార్గం వద్దు: సురక్షితంగా పెట్టుబడి పెట్టడానికి PSU బ్యాంక్స్ వంటి సులభమైన మార్గాలు అందుబాటులో ఉన్నప్పటికీ, ఎక్కువ రిస్క్ ఉన్న మార్గాలను ఎంచుకోవడం సరైన ఆలోచన కాదని ఆయన అన్నారు.

మొత్తంగా కొత్త బుల్ మార్కెట్ స్పష్టంగా ప్రారంభమయ్యే వరకు.. ఇన్వెస్టర్లు ఫోర్లు, సిక్సులు ఆశించకుండా, టెస్ట్ మ్యాచ్ (Test Match) ఆడాలని.. అంటే నెమ్మదిగా, జాగ్రత్తగా, నత్తనడకన సాగే స్టాక్స్‌లోనే (Tortoise Stocks) పెట్టుబడి పెట్టాలని విజయ్ కేడియా బలంగా సూచిస్తున్నారు.