ఐపీఎల్ కో-స్పాన్సర్‌గా వొడాఫోన్ ఐడియా-వీఐ

ఇటీవలి కాలంలో ఏజీఆర్, ఆర్థిక ఇబ్బందులు, ప్రతి నెల కస్టమర్లను కోల్పోతూ ఇబ్బందులు ఎదుర్కొంటున్న వొడాఫోన్ ఐడియా (బ్రాండ్ మారిన అనంతరం వీఐ) ఇప్పుడు దూసుకెళ్తోంది. ఇటీవల దిగ్గజ కంపెనీలు వొడాఫోన్ ఐడియాలో పెట్టుబడులు పెట్టేందుకు ఆసక్తి చూపిస్తున్నారు. పెట్టుబడుల సమీకరణ కోసం టెల్కో కూడా తీవ్రంగా ప్రయత్నాలు చేస్తోంది. తాజాగా మరో ఐపీఎల్ 2020కు కో-స్పాన్సర్‌గా అవతరించింది.

ఐపీఎల్ 2020 స్పాన్సర్‌గా డ్రీమ్ 11 వ్యవహరిస్తోంది. తాజాగా వొడాఫోన్ ఐడియా యూఏఈ, దుబాయ్‌లో జరగనున్న ట్వంటీ 20 ప్రీమియర్ లీగ్ కో-స్పాన్సర్‌షిప్ హక్కులు దక్కించుకుందని వొడాఫోన్ ఐడియా తెలిపింది. టీ20 ప్రీమియర్ లీగ్ స్టార్ స్పోర్ట్స్ నెట్ వర్క్‌లో ప్రసారమవుతుంది. 53 రోజుల పాటు జరగనున్న ఈ క్రికెట్ ఈవెంట్ స్పాన్సర్ షిప్‌ను డ్రీమ్ 11 రూ.222 కోట్లకు గత నెలలో దక్కించుకుంది.

ఈడీల్ పైన వోడాఫోన్ ఐడియా లిమిటెడ్ చీఫ్ డిజిటల్ ట్రాన్స్ఫర్మేషన్ అండ్ బ్రాండ్ ఆఫీసర్ కవితా హర్షం వ్యక్తం చేశారు. డ్రీమ్ 11 ఐపీఎల్ 2020 వొడాఫోన్ ఐడియా ఒప్పందం కోట్లాదిమంది ప్రేక్షకులతో అనుబంధం, తమ బ్రాండ్‌పై అవగాహన పెంచుకోవడమే కాకుండా, వారి విశ్వాసాన్ని పొందడంలోనూ సహాయపడుతుందని తెలిపారు. వోడాఫోన్, ఐడియా ఇదివరకు స్టార్ స్పోర్ట్స్ ద్వారా క్రికెట్‌తో సంబంధం కలిగి ఉన్నాయని, ఇపుడు వొడాఫోన్ ఐడియా రీబ్రాండ్ వీఐ ద్వారా తిరిగి స్సాన్సర్‌గా ఉండటం ఆనందంగా ఉందని స్టార్ స్పోర్ట్స్ సీఈఓ గౌతమ్ అన్నారు.