వేదాంతకు గట్టి షాకిచ్చిన మూడీస్.. నిన్న ఏడాది కనిష్ఠానికి షేర్ విలువ.. అంతలోనే బిగ్ అప్‌డేట్

Vedanta: భారతీయ వ్యాపార సంస్థ వేదాంత గ్రూపుకు ప్రముఖ అంతర్జాతీయ రేటింగ్ ఏజెన్సీ మూడీస్ ఇన్వెస్టర్స్ సర్వీస్ గట్టి షాక్ ఇచ్చింది. దాని మాతృ సంస్థ వేదాంత రిసోర్సెస్ సీనియర్ అన్ సెక్యూర్డ్ బాండ్స్ పై రేటింగ్ డౌన్ గ్రేడ్ చేసింది. రానున్న రోజుల్లో రుణ పునర్నిర్మాణం విషయంలో హై రిస్క్ ఎదుర్కోనుండటమే ఇందుకు కారణమని తెలిపింది. దీంతో షేర్ వాల్యూ తీవ్రత ఒడిదుడుకులకు గురైంది.

ప్రస్తుత కమొడిటీ ప్రైసెస్ దృష్ట్యా వేదాంత రిసోర్సెస్ ఆపరేటింగ్ సబ్సిడరీలు క్యాష్ ఫ్లోస్ జనరేట్ చేయడంలో ఇబ్బందులు ఎదుర్కోవచ్చని అభిప్రాయం వ్యక్తం చేసింది. దీంతో నిన్న ట్రేడింగ్ సెషన్‌ లో కంపెనీ స్టాక్ విలువ ఏకంగా ఏడాది కనిష్ఠ స్థాయికి పడిపోయింది. ఇక గతేడాది జూలై మంచి చూస్తే 6.3 మేర క్షీణించింది.

వేదాంత రిసోర్సెస్ అన్‌ సెక్యూర్డ్ బాండ్స్ రేటింగ్ ను మూడీస్ Caa3 నుంచి Caa2కు డౌన్ గ్రేడ్ చేసింది. వ్యవస్థాపకులు అనిల్ అగర్వాల్ కంపెనీ కార్పొరేట్ ఫ్యామిలీ రేటింగ్ కూడా Caa2 నుంచి Caa1kg తగ్గిస్తూ.. నెగిటివ్ అవుట్ లుక్ కలిగి ఉన్నట్లు పేర్కొంది. దీంతో నిఫ్టీ 100 ఇండెక్స్ లో వేదాంత నిన్న టాప్ లూజర్ గా మిగిలింది.

వరుసగా 8 ట్రేడింగ్ సెషన్లలోనూ వేదాంత స్టాక్ భారీ క్షీణత నమోదు చేసింది. తద్వారా ఫిబ్రవరి తర్వాత ఈ స్థాయిలో వరుసగా ఇన్ని రోజులపాటు నష్టాలు మూటగట్టుకోవడం ఇదే తొలిసారి. అయితే మెటల్స్, పవర్, అల్యూమినియం, ఆయిల్, గ్యాస్ విభాగాలను విడి ఎంటిటీలుగా నిర్వహించాలని చూస్తున్నట్లు వార్తలు రావడంతో.. ఇవాళ సెషన్‌ లో షేర్ విలువ 6-7 శాతానికి పైగా ట్రేడ్ అవుతోంది.