H-1B visa News: యూఎస్ వీసా అప్లికెంట్లకు షాక్.. ప్రాసెసింగ్ ఫీజు పెంపు..

H-1B visa: ప్రతి ఏటా ఇండియా నుంచి అమెరికా వెళ్లాలనుకునే చాలా మంది ఆశావహులు వీసాల కోసం అప్లై చేస్తుంటారు. డాలర్ల వేటలో అందమైన జీవితాన్ని గడపాలని కోటి ఆశలతో కలలు కంటుంటారు.

US పౌరసత్వం అండ్ ఇమ్మిగ్రేషన్ సర్వీసెస్ H-1Bతో సహా అన్ని కేటగిరీల్లో వీసా దరఖాస్తు ప్రక్రియ రుసుములు తాజాగా పెరిగాయి. వాస్తవానికి H-1B అనేది అధిక నైపుణ్యాలు కలిగిన ఉద్యోగులను కంపెపనీలు నియమించుకునేందుకు అనుమతిని కల్పిస్తుంది. ఇది వలసేతర వీసా. సాధారణంగా H-1B వీసా దరఖాస్తుల కోసం ఆన్‌లైన్ రిజిస్ట్రేషన్ మార్చిలో ప్రారంభమవుతుంది. తాజాగా వీసా ప్రక్రియను వేగవంతంగా జరిగేందుకు చెల్లించే ప్రీమియం ప్రాసెసింగ్ ఫీజులు పెంచటం జరిగింది.

US పౌరసత్వం అండ్ ఇమ్మిగ్రేషన్ సేవల వెబ్‌సైట్ ప్రకారం I-129, I-140, I-539, I-765 ఫారమ్‌లకు ప్రీమియం ప్రాసెసింగ్ ఫీజులు పెరిగాయి. I-129 ప్రీమియం ప్రాసెసింగ్ కోసం రుసుము 12% పెరిగి 2,805 డాలర్లకు చేరుకుంది. అంతర్జాతీయ విద్యార్థులు, జీవిత భాగస్వాములు, H-1B వీసాదారులపై ఆధారపడిన వారి నాన్-ఇమ్మిగ్రెంట్ స్టేటస్ అప్‌గ్రేడ్ చేయడానికి ఉపయోగించే ఫారమ్ I-539 కోసం ప్రీమియం ప్రాసెసింగ్ ఛార్జీలు 1,965 డాలర్లకు పెంచబడ్డాయి. F-1 విద్యార్థులకు వారి ఐచ్ఛిక ప్రాక్టికల్ ట్రైనింగ్ వంటి ఉపాధి అధికారం కోసం ఫారమ్ 1-765 ప్రస్తుతం ఉన్న 1,685 డాలర్లకు పెంచటం జరిగింది.

గత వారం క్వాలిఫైడ్ H-1B వీసా దరఖాస్తుదారుల కోసం దేశీయ వీసా పునరుద్ధరణను పునఃప్రారంభించే పైలట్ ప్రోగ్రామ్ వైట్ హౌస్ క్రింద ఉన్న ఒక ఉన్నత నియంత్రణ సంస్థ సమీక్షను ఆమోదించింది. H1B వీసా పరిమితి 2024కి చేరుకుంది. డిసెంబర్ 15న ఆఫీస్ ఆఫ్ ఇన్ఫర్మేషన్ అండ్ రెగ్యులేటరీ అఫైర్స్ (OIRA) సమీక్ష ద్వారా పైలట్ క్లియర్ చేయబడిన ప్రకారం.. అర్హత కలిగిన H-1B వీసా దరఖాస్తుదారులు తమ వర్క్ వీసాను పునరుద్ధరించుకోవడానికి విదేశాలకు వెళ్లాల్సిన అవసరం లేదు.సెంబరులో ప్రారంభమయ్యే మూడు నెలల్లో విదేశాంగ శాఖ ఇప్పటికే దేశంలో ఉన్న విదేశీ పౌరులకు 20,000 వీసాలను జారీ చేస్తుంది.