రూ. 2.5 కోట్లు ఉంటే అమెరికాలో విలాసవంతమైన హౌస్... కానీ బెంగళూరులో 3BHK దొరకడం ఇబ్బంది అంటున్న నెటిజెన్లు

బెంగళూరులో ఒక టెకీ ఇటీవల రెడ్డిట్లో తన అసహనాన్ని వ్యక్తం చేసాడు. 3BHK ఫ్లాట్ కోసం వెతికినప్పటి, రూ. 2.5 కోట్లు బడ్జెట్ చెప్పగానే అనేక బిల్డర్లు అతనిని పట్టించుకోలేదని చెప్పాడు. అతను చెప్పిన విధంగా ప్రెస్టేజ్, శోభా, ఎంబసీ వంటి పెద్ద బిల్డర్లను మినహాయించి చిన్న బిల్డర్లను సంప్రదించినప్పటికీ, బడ్జెట్ వినగానే చాలా మంది ఆసక్తి చూపడం మానేశారు. రూ. 2.5 కోట్లు (రిజిస్ట్రేషన్, సింపుల్ ఇంటీరియర్స్ కలిపి) బడ్జెట్ ఉన్నా ఎక్కువ మంది 'గ్రేడ్ C బిల్డర్స్' దగ్గర మాత్రమే ఫ్లాట్లు దొరుకుతాయని చెప్పారు. కొందరు ఇతరులకు చూపించి, నన్ను పక్కన పెట్టడం కొంచెం అవమానంగా అనిపించింది," అని అతను చెప్పాడు.

మరింత బాధ కలిగించిన విషయమేమంటే, ఇదే రూ. 2.5 కోట్లతో అమెరికాలో మంచి నెయిబర్‌హుడ్‌లో పెద్ద ఇల్లు సులభంగా కొనొచ్చని గుర్తించాడు. "ఈ డబ్బుతో అమెరికాలో చాలా బెటర్ హోమ్ కొనే అవకాశం ఉంది," అని రెడ్డిట్లో రాశాడు. కోవిడ్ తర్వాత బెంగళూరులో రియల్ ఎస్టేట్ ధరలు ఆకాశాన్నంటడంతో, సాధారణంగా జీతాలు సంపాదించే టెకీలకూ ఇల్లు కొనడం కష్టం అయ్యిందని చెప్పాడు. ఇల్లు కొనే వారు ఎక్కువగా స్టార్టప్‌లలో ఈక్విటీ ఉన్నవారు, పూర్వీకుల భూమిని అమ్మినవారు, పెద్ద డౌరీ పొందినవారు లేదా డబుల్ ఇన్‌కమ్ ఉన్న కుటుంబాలే. ఇది మధ్యతరగతి మరియు ఎగువ మధ్యతరగతి వర్గాల నిరాశను ప్రతిబింబిస్తుంది చెప్పారు.

BBMP పరిధికి బయట ప్రాంతాల్లో కూడా ఇళ్ల ధరలు రూ. 2.5 కోట్లకు మించి ఉన్నాయి. గ్రామ పంచాయతీ ఏరియాలో రూ. 3 కోట్ల ఇల్లు కొనే ప్రయోజనం ఏమిటి? అని ఆయన ప్రశ్నించారు. "టెకీగా కష్టపడినా ఫలితం లభించడం లేదు అనిపిస్తోంది," అని ఆయన రాశారు. పోస్ట్ చివరలో ఆయన ఇలా అసంతృప్తితో ముగించారు, మేము భారీ టాక్స్‌లు చెల్లిస్తున్నాం... సదుపాయాలు లేవు... మంచి ఇళ్లు లేవు... ఉద్యోగ భద్రత లేదు. గత కొద్ది నెలలుగా ఈ దేశంలో ఇరుక్కుపోయినట్టుగా ఫీలవుతున్నాను."

రూ. 2.5 కోట్ల బడ్జెట్‌తో అమెరికాలో మీరు సాధారణంగా పెద్ద మాసన్ వంటి ఇల్లు కొనే అవకాశం ఉంటుంది. అక్కడ 3-4 బెడ్‌రూమ్, 2-3 బాత్రూం, గ్యారేజ్, బ్యాక్ యార్డ్, స్విమ్మింగ్ పూల్ వంటి సౌకర్యాలతో కూడిన ఇళ్లు, మంచి నెయిబర్‌హుడ్‌లో లభిస్తాయి. బెంగళూరులో అదే బడ్జెట్‌తో 3BHK ఫ్లాట్ కోసం ప్రయత్నించినపుడు, ఫ్లాట్స్ చిన్నవే, సౌకర్యాలు తక్కువే, కొన్నిసార్లు దాదాపు మినిమం ఇంటీరియర్స్ మాత్రమే ఉంటాయి. మన దేశంలో ఒకే డబ్బుతో ఇల్లు కొనడం ఎక్కడా అంత సౌకర్యవంతంగా లేదు.

ఈ పోస్ట్, బెంగళూరులో ప్రాపర్టీ ధరలు కాస్త ఎక్కువ వెళ్లుతున్న నేపథ్యంలో, అనేక మందికి కనెక్ట్ అయ్యింది. ఒక యూజర్ స్పందన "నాకూ ఇదే పరిస్థితి. భర్త, భార్య ఇద్దరూ మంచి జీతాలు సంపాదిస్తే మాత్రమే అవుట్‌స్కర్ట్స్‌లో 3BHK ఆలోచించవచ్చు. నగరంలో 20 ఏళ్ల పాత గేటెడ్ కమ్యూనిటీలకే 2.2-2.3 కోట్లు అడుగుతున్నారు. IT సెక్టార్‌లో పరిస్థితులు అనిశ్చితంగా ఉన్నప్పుడు, ఇంత ఖరీదైన ఇళ్లు కొనే వారు ఎలా కొంటారో ఆశ్చర్యం. మరో యూజర్"ఇది టెకీ పరిస్థితి అయితే, సామాన్య ప్రజల పరిస్థితి ఏంటో ఊహించగలరు.

కొందరు యూజర్లు OP సరిగ్గా సెర్చ్ చేయలేదని అభిప్రాయపడ్డారు. "USతో పోల్చడం ఆపండి. ఇది ఇండియా డిమాండ్-సప్లై మీద ధరలు ఆధారపడి ఉంటాయి. రూ. 2.5 కోట్లు మంచి బడ్జెట్ ఏ, మీరు సరిగా వెతకట్లేదనుకుంటా అని అన్నారు. ఇంకోరు "భ్రమలో జీవించొద్దు... ఆ బడ్జెట్‌లో చాలా ప్రాజెక్టులు ఉన్నాయి. నువ్వు సరిగా రీసర్చ్ చేయట్లేదో తెలియకపోవడమే అని అన్నారు.