భారత పర్యటనలో అమెరికా ఉపాధ్యక్షుడు: అతని జీతం, సంపద తెలిస్తే అవాక్కవ్వాల్సిందే..

అమెరికా ఉపాధ్యక్షుడు జెడి వాన్స్ (JD Vance) నాలుగు రోజుల పాటు మొదటి అధికారిక పర్యటన కోసం ఇండియాకి చేరుకున్నారు. ఆయనతో పాటు, భారత సంతతికి చెందిన ఆయన భార్య ఉషా వాన్స్ అలాగే పిల్లలు కూడా భారతదేశాన్ని సందర్శించడానికి వచ్చారు. ఆయనకు విమానాశ్రయంలో కేంద్ర మంత్రి అశ్విని వైష్ణవ్ స్వాగతం పలకాగా, అమెరికా ఉపాధ్యక్షుడు జెడి వాన్స్, ఆయన కుటుంబ సభ్యుల గౌరవార్థం ప్రధానమంత్రి నరేంద్ర మోడీ విందు ఇవ్వనున్నారు. దీనికి ముందు, జెడి వాన్స్ తన కుటుంబంతో కలిసి అక్షరధామ్ ఆలయాన్ని సందర్శిస్తారు. దీనితో పాటు ఆయనకు ఆగ్రా, జైపూర్‌లను సందర్శించే కార్యక్రమాలు కూడా ఉన్నాయి. 40 ఏళ్ల వయసులో, జె.డి. వాన్స్ అమెరికా చరిత్రలో అతి పిన్న వయస్కుడైన వైస్ ప్రెసిడెంట్లలో ఒకరు. అయితే అతని నికర విలువ ఎంతో తెలుసా...

ఫోర్బ్స్ ప్రకారం, జెడి వాన్స్ నికర విలువ దాదాపు $10 మిలియన్లు అంటే సుమారు రూ.85,37,75,000. ఇందులో దాదాపు $4 మిలియన్లు రియల్ ఎస్టేట్ పెట్టుబడి ద్వారా సంపాదించగా, అమెరికా ఉపాధ్యక్షుడిగా ఆయన ఏడాది జీతం $235,100. అంతకుముందు, జెడి వాన్స్ సిన్సినాటి నుండి సెనేటర్‌గా ఉన్నారు. దీనికోసం అతను వార్షిక జీతం $174,000 అందుకున్నాడు. ఈ విధంగా సెనేటర్ నుండి ఉపాధ్యక్షుడు అయిన తర్వాత ఆయన జీతం 35 శాతం పెరిగింది.

నిరాడంబరమైన కుటుంబం నుండి వచ్చిన వాన్స్, 2023లో సెనేట్ ఫైనాన్షియల్ నుండి దాదాపు $55,000 రాయల్టీలను అందుకున్నానని, ఇంకా 2022లో $121,000గా ఉందని చెప్పాడు. జూలై 2024 నాటికి, అతని పుస్తకం దాదాపు 2 మిలియన్ కాపీలు అమ్ముడయ్యాయి. ఆగస్టు 2014లో జెడి వాన్స్ అతని భార్య ఉష వాషింగ్టన్ DCలో $590,000కి ఒక ఇంటిని కొనుగోలు చేశారు. దీని కోసం అతను దాదాపు $600,000 లోన్ తీసుకున్నాడు. ఇప్పుడు ఫోర్బ్స్ ప్రకారం ఆస్తి విలువ దాదాపు $850,000. 2018లో వాన్స్ దంపతులు సిన్సినాటిలోని ఈస్ట్ వాల్‌నట్ హిల్స్‌లో $1.4 మిలియన్లకు మరో ఇంటిని కూడా కొనుగోలు చేశారు, ఇప్పుడు దాని విలువ $1.8 మిలియన్లు. సెనేట్‌కు ఎన్నికైన తర్వాత వాన్స్ వర్జీనియాలోని అలెగ్జాండ్రాలో $1.6 మిలియన్లకు ఒక ఆస్తిని కొనుగోలు చేశాడు. దీని విలువ కూడా 1.8 మిలియన్ డాలర్లకు ఉంటుంది.

వాషింగ్టన్ పోస్ట్ ప్రకారం, J.D. వాన్స్ 2023లో $600,000 కంటే ఎక్కువగా పెట్టుబడి పెట్టినట్లు పేర్కొన్నాడు. అతని దగ్గర $100,000 నుండి $250,000 మధ్య విలువైన క్రిప్టోకరెన్సీని కూడా ఉన్నాయి.