Super Offer: నిద్రపోయినందుకు బోలెడంత జీతం.. కంపెనీ సూపర్ ఆఫర్.. పోటీపడి దరఖాస్తులు..!

Mattress కంపెనీ..

కాస్పర్ సంస్థ అమెరికాకు చెందిన ఒక mattress తయారీ కంపెనీ. ప్రస్తుతం ఇది బాగా నిద్రపోయే ఉద్యోగుల కోసం వెతుకుతోంది. ఈ విషయం వినటానికి వింతగా ఉన్నప్పటికీ నిద్రపోతూ సంపాదించటం అనే ఆలోచన ఎంత బాగుటుందో కథ. అయితే తమ స్టోర్లలో తయారు చేసే పరుపులపై పడుకుంటే నిద్ర ఎలా వస్తుందో తెలుసుకునేందుకు స్లీపర్‌ని నియమించుకోవాలని నిర్ణయించుకున్నట్లు కంపెనీ వెల్లడించింది.

నిద్రించడానికి డబ్బు..

ప్రాజెక్ట్‌లో పాల్గొనేవారు తప్పనిసరిగా ప్రొఫెషనల్ స్లీపర్లు అయి ఉండాలి. వారు తమ ప్రోడక్ట్ మ్యాట్రెస్‌లపై ఎలా నిద్రపోతారు, పరుపుపై ​​పడుకోవడం వల్ల వారు ఎలాంటి విలాసవంతమైన అనుభవాలను పొందుతారనే దాని గురించి సోషల్ మీడియాలో పోస్ట్ చేయాలని కంపెనీ పేర్కొంది. ఇందుకోసం వారికి భారీ వేతాన్ని సైతం చెల్లించేందుకు క్యాస్పర్ ఆఫర్ చేసింది.

టిక్ టాక్ వీడియో..

తమ కంపెనీ మంచి స్లీపర్‌ల కోసం వెతుకుతుందని, దీని కోసం మంచి స్లీపర్‌లు టిక్‌టాక్ వీడియో ద్వారా తమ నైపుణ్యాలను ప్రదర్శించి ఈ ఉద్యోగానికి దరఖాస్తు చేసుకోవచ్చని కంపెనీ ప్రకటించింది. దీంతో ఈ వార్త ఇప్పుడు సోషల్ మీడియాను ఊపేస్తోంది. చాలా మంది ఔత్సాహికులు దీనిని క్యాష్ చేసుకోవాలని చూస్తున్నారు.

ఉచితాలు కూడా..

తమ కంపెనీ స్లీపింగ్ జాబ్స్‌కు వచ్చే వారు పైజామా వంటి నైట్ దుస్తులను ధరించడానికి అనుమతిస్తామని, నిద్రిస్తున్న ఉద్యోగులకు ఇవన్నీ ఉచితంగా తామే అందజేస్తామని కంపెనీ తెలిపింది. ఎంపికైన వారికి నిద్రవేళల షెడ్యూల్ ఇవ్వబడుతుందని కాస్పర్ కంపెనీ అధికారి ఒకరు తెలిపారు.

చివరి తేదీ ఎప్పుడంటే..

ఈ జాబ్‌కు దరఖాస్తు చేసుకోవడానికి ఆసక్తి ఉన్నవారు ఆన్‌లైన్‌లో దరఖాస్తు చేసుకోవచ్చు. దరఖాస్తు పంపడానికి చివరి తేదీ ఆగస్టు 11, 2022 అని కంపెనీ తన ప్రకటనలో తెలిపింది. ప్రస్తుతం చాలా మంది ఈ ఉద్యోగానికి పోటీ పడి దరఖాస్తులు చేసుకుంటున్నట్లు సమాచారం.

కలలు కనే ఉద్యోగం..

మంచి ఉద్యోగం పొందటం అనేది మనలో చాలా మందికి ఒక పెద్ద కల. ప్రపంచంలో చాలా మంది యువత కలలను నెరవేర్చుకోవటానికి నిద్రాహారాలు మాని శ్రమిస్తుంటారు. అయితే ఈ ఉద్యోగం పొందిన వారికి అలాంటి కష్టాలు అస్సలు ఉండవు. హాయిగా నిద్రపోతూ కలలు కంటున్నందుకు గాను కంపెనీ వారికి జీతాన్ని అందిస్తోంది. ఈ కంపెనీ జాబ్ ఆఫర్ ను చూసిన చాలా మంది ఔనా అంటూ ఆశ్చర్యానికి గురవుతుండగా, మరి కొందరు మాత్రం బలే ఆఫర్ అని అంటున్నారు.