67 లక్షల కోట్ల ప్యాకేజీకి అమెరికా కాంగ్రెస్ ఆమోదం

కరోనా నేపథ్యంలో 900 బిలియన్ డాలర్ల కరోనా ఎయిడ్ ప్యాకేజీకి అమెరికన్ చట్ట సభలు ఆమోదం తెలిపాయి. ఈ బిల్లుపై అగ్రరాజ్యం అధ్యక్షులు డొనాల్డ్ ట్రంప్‌ సంతకం చేయడమే మిగిలి ఉంది. ఈ ప్యాకేజీ ద్వారా అమెరికా ప్రజలకు కరోనా వ్యాక్సినేషన్‌కు అయ్యే ఖర్చును భరించడంతోపాటు వ్యాపారులు, వ్యక్తులకు ప్రభుత్వం ఆర్థిక సాయం అందిస్తుంది. చట్ట ప్రతినిధుల సభలో 359-53 ఓట్ల తేడాతో ఈ బిల్లుకు ఆమోదం లభించింది. ఆ తర్వాత సెనేట్‌లో బిల్లుకు భారీ మెజారిటీతో ఆమోదం లభించింది.

కరోనా కారణంగా వ్యాపారాలు కుదేలయ్యాయి. ఉద్యోగులు ఇబ్బందులు పడుతున్నారు. ఇలాంటి పరిస్థితుల్లో 900 మిలియన్ డాలర్లు ఉద్దీపన ప్యాకేజీ భారీ ఊరట అని చెప్పవచ్చు. మన కరెన్సీలో ఇది రూ.67 లక్షల కోట్లకు పైగా. ఈ ఆర్థిక ప్యాకేజీకి సంబంధించి గత కొన్నాళ్లుగా చర్చలు జరుగుతున్నాయి. తాజాగా అమెరికా దీనికి ఆమోదం తెలిపింది.

అయితే ట్రంప్ సంతకం చేసి, అమలులోకి వచ్చేందుకు మరికొన్ని రోజుల సమయం పట్టవచ్చు. సోమవారం మధ్యాహ్నం ఈ ప్యాకేజీ అమెరికా హౌస్, సెనెట్ ముందుకు వచ్చాయి. 92-6 ఓట్లతో సెనెట్ ఆమోదం తెలిపింది. హౌస్ 359-53 ఓట్ల మెజార్టీతో అంగీకరించింది.