Warren Buffett: స్నేహితుడికి బఫెట్ ట్రిబ్యూట్.. పెట్టుబడికి కీలక సూత్రాలు వెల్లడి..

Stock Market: ప్రపంచ వ్యాప్తంగా గుర్తించతగ్గ ప్రముఖ పెట్టుబడిదారుల్లో ఒకరు వారెన్ బఫెట్. ఆయన తన అనుభవాలను ఎల్లప్పుడూ పంచుకుంటూ ఉంటారు. ఆయన పెట్టుబడుల విషయంలో నేర్పిన అనేక పాఠాలు ఇప్పటికీ చాలా మందిని ధనవంతులుగా మార్చటంలో ఎంతగానో సహాయపడ్డాయి.

తాజాగా బఫెట్ బర్క్ షైర్ హాత్వే షేర్ హోల్డర్లకు రాసిన లేఖలో ఇటీవల మరణించిన తన మిత్రుడు చార్లీ ముంగర్ గురించి ప్రస్థావించారు. నవంబరులో మృతి చెందిన ఆయన పుట్టిన రోజుకు 33 ముందు ప్రాణాలు విడిచారని పేర్కొన్నారు. ముంగర్ తన 99న ఏట కాలం చేశారని తన మిత్రుడు, వ్యాపార భాగస్వామి గురించి వారెన్ బఫెట్ గుర్తు చేసుకున్నారు. ఈ క్రమంలో పెట్టుబడులకు సంబంధించిన అనేక కీలక సూత్రాల గురించి వెల్లడించిన వివరాలను ఇప్పుడు తెలుసుకుందాం..

- ముందుగా తాను మెుదటగా స్టాక్స్ కొనుగోలు చేసిన మార్చి 11,1942ను బఫెట్ గుర్తు చేసుకున్నారు. ఆ ఏడాది డౌజోన్స్ ఇండస్ట్రియల్ యావరేజ్ 100 కంటే కిందకు పడిపోయిందని అన్నారు. తర్వాత పరిస్థితులు తిరిగి గాడిన పడ్డాయని ప్రస్తుతం ఆ ఇండెక్స్ 38,000 పాయింట్ల మార్క్ వద్ద ఉందని పేర్కొన్నారు. అమెరికా స్టాక్ మార్కెట్లు అత్యంత బయానకమైనవని, ఇక్కడ క్వాలిటీ కంపెనీలను పెట్టుబడికి ఎంచుకుని ఇతరుల మాటలు వినకుండా ముందుకు సాగటం ఉత్రమమని పేర్కొన్నారు.

- ఇదే క్రమంలో గెలుపు గుర్రాల్లాంటి కంపెనీల షేర్లను ఎంపిక చేసుకోవటం గురించి మాట్లాడుతూ.. ప్రాథమికమైన, శాశ్వతమైన మంచి ఆర్థిక శాస్త్రాన్ని ఆస్వాదించే వ్యాపారాలన్నింటినీ లేదా కొంత భాగాన్ని మేము స్వంతం చేసుకోవాలనుకుంటున్నామన్నారు. పెట్టుబడిదారీ విధానంలో, కొన్ని వ్యాపారాలు చాలా కాలం పాటు అభివృద్ధి చెందుతాయి. మరికొన్ని సింక్‌హోల్స్‌గా నిరూపించబడతాయి. అందువల్ల విజేతలు, పరాజితులెవరో అంచనా వేయడం మీరు అనుకున్నదానికంటే కష్టమన్నారు.

- మార్కెట్ల భయాందోళనలపై మాట్లాడుతూ.. 1914లో నాలుగు నెలలు, 2001లో కొన్ని రోజులు చేసినట్లుగా యూఎస్ స్టాక్ మార్కెట్లు అనూహ్యంగా ఆక్రమించవచ్చు లేదా అదృశ్యమవుతాయన్నారు. అమెరికా పెట్టుబడిదారులు గతంలో కంటే ఇప్పుడు మరింత స్థిరంగా ఉన్నారన్నారు. ప్రస్తుతం సమాచారం ప్రపంచ వ్యాప్తంగా వేగంగా విస్తరిస్తున్నందున ఎటువంటి భయాందోళనలైనా వేగంగా ఇతర మార్కెట్లకు విస్తరిస్తాయని పేర్కొన్నారు. ప్రస్తుతం మార్కెట్లు ఎక్కువగా క్యాసినో వంటి ప్రవర్తనను ప్రదర్శిస్తున్నాయని అన్నారు. దీనివల్ల డైలీ ట్రేడింగ్ చేసేవారు ఎక్కువగా ప్రభావితం అవుతున్నారన్నారు.