Penny stocks: లక్ష పెట్టుబడిని రూ.6 కోట్లు చేసిన రూపాయి స్టాక్.. పండగ చేసుకుంటున్న ఇన్వెస్టర్లు..

Multibagger stocks: రాత్రికి రాత్రో లేక స్వల్ప కాలంలోనే కోటీశ్వరులు కావాలనుకునే వారికి స్టాక్ మార్కెట్ అస్సలు సరైన ప్లేస్ కాదు. ఒక వేళ మీరు సరైన స్టాక్ లో పెట్టుబడి పెట్టినప్పటికీ దానిని కొనసాగించకపోతే మంచి రాబడులను మిస్ అవుతారు. దీర్ఘకాల్లో ఇన్వెస్టర్లకు మల్టీబ్యాగర్ రాబడులను అందించి కోటీశ్వరులుగా మార్చిన పెన్నీ స్టాక్స్ గురించి ఇప్పుడు తెలుసుకుందాం..

దీర్ఘకాలంలో రాబడినిచ్చిన స్టాక్స్..

దీర్ఘకాలికంగా బలమైన రాబడిని ఇవ్వడం ద్వారా ఇన్వెస్టర్లను ఆశ్చర్యపరిచిన స్టాక్ మార్కెట్లో కొన్ని స్టాక్‌లు ఉన్నాయి. 20 ఏళ్లలో తమ ఇన్వెస్టర్లను ధనవంతులుగా మార్చిన రెండు స్టాక్‌ల గురించి ఈ రోజు తెలుసుకోండి. వాటిలో మెుదటిది UPL లిమిటెడ్ స్టాక్, రెండవది లుపిన్ లిమిటెడ్ కంపెనీ షేర్. ఈ కంపెనీల్లో 20 ఏళ్ల కిందట లక్ష రూపాయలు పెట్టుబడిగా పెట్టిన ఇన్వెస్టర్లు ప్రస్తుతం కోటీశ్వరులు అయి ఉండేవారు.

షేర్ ధర చరిత్ర..

UPL లిమిటెడ్ షేర్ జూలై 5, 2002న రూ.1.20 స్థాయి నుంచి ఆగస్టు 5, 2022 నాటికి రూ.742.50లకు చేరుకుంది. అంటే.. గత 20 ఏళ్లలో దాదాపు 61,775.00 శాతం మల్టీబ్యాగర్ రాబడిని అందించింది. ఇదే సమయంలో.. లుపిన్ లిమిటెడ్ షేర్లు జనవరి 8, 1999న రూ.2.33 వద్ద నుంచి 5 ఆగస్టు 2022న రూ.669.40కి పెరిగింది. అంటే.. గడచిన 23 ఏళ్ల కాలంలో ఈ స్టాక్ 28,629.61 శాతం రాబడిని అందించింది.

లక్షను కోట్లుగా మార్చిన స్టాక్..

UPL లిమిటెడ్‌ షేర్‌లో రూ. 1.20 చొప్పున ఇన్వెస్టర్‌ రూ. లక్ష ఇన్వెస్ట్‌ చేసి ఉంటే.. ప్రస్తుత మార్కెట్ విలువ ప్రకారం దాని విలువ సుమారు రూ.6 కోట్లకు పైగా చేరుకుని ఉండేది. మరోవైపు.. ఒక పెట్టుబడిదారుడు రూ.2.33 రేటు వద్ద లుపిన్ లిమిటెడ్ కంపెనీ షేర్లలో లక్ష రూపాయలు పెట్టుబడి పెట్టినట్లయితే.. ఈ రోజు దాని విలువ దాదాపు రూ.2.87 కోట్లుగా ఉండేది.

Note: పైన అందించిన సమాచారం కేవలం అవహాగన కోసం మాత్రమే. దీని ఆదారంగా ఎలాంటి పెట్టుబడి నిర్ణయాలు తీసుకోకండి. స్టాక్ మార్కెట్ ఇన్వెస్ట్ మెంట్ రిస్క్ తో కూడుకున్నది. పెట్టుబడులు పెట్టడానికి ముందు మీ ఆర్థిక సలహాదారుడిని సంప్రదించి నిర్ణయాలు తీసుకోవటం ఉత్తమం.