మీరు క్రెడిట్ కార్డు వాడుతున్నారా లేదా UPI నా ? ఈ ఫెస్టివ్ సీజన్‌లో ఎవరు ఏది ఎక్కువ ఉపయోగించారో తెలుసా?

భారతీయులు ఇప్పుడు ఆన్‌లైన్ షాపింగ్‌లో సౌకర్యం మరియు క్రెడిట్ కార్డు అలవాట్లను కలిపి ఉపయోగిస్తున్నారు, అని తాజా నివేదికలు సూచిస్తున్నాయి. కన్సల్టింగ్ ఫర్మ్ కెర్నీ మరియు అమెజాన్ పే చేసిన పరిశోధన ప్రకారం, రోజువారీ అవసరాల కోసం ఎక్కువ మంది క్యాష్ లేదా UPI ను వాడుతున్నారు. అయితే, స్మార్ట్‌ఫోన్లు, ఫర్నిచర్, పెద్ద ఎలక్ట్రానిక్ పరికరాలు వంటి ఎక్కువ ఖర్చైన వస్తువుల కోసం క్రెడిట్ కార్డులు ప్రధానంగా ఉపయోగపడుతున్నాయి.

నివేదికలో గ్రోసరీస్, వ్యక్తిగత సంరక్షణ, హౌస్ హోల్డ్ అవసరాలు వంటి సాధారణ వస్తువుల కోసం "UPI" కి ప్రాధాన్యత పొందుతుందని చెప్పారు. ఎందుకంటే ఇది వేగంగా, సులభంగా ఉపయోగించవచ్చు. కానీ షాపింగ్ బాస్కెట్ ఆర్థికంగా ఎక్కువ ఖర్చు వస్తే అప్పుడు క్రెడిట్ కార్డులు లేదా BNPL వంటి పద్ధతులు ఉపయోగంలోకి వస్తున్నాయి. వికాస్ బన్సాల్ అమెజాన్ పే ఇండియా CEO, "ఫర్నిచర్, డ్యూరబుల్స్ వంటి పెద్ద వస్తువుల కోసం క్రెడిట్ కార్డులు ఎక్కువ వాడతారు. ప్రీపెయిడ్ కార్డులు, BNPL, నెట్ బ్యాంకింగ్ కూడా ఉంటాయి. అంటే చిన్న ఖర్చుల కోసం UPI, పెద్ద ఖర్చుల కోసం క్రెడిట్ కార్డు కాంబో ఎక్కువగా పని చేస్తుంది.

ఈ ఫెస్టివ్ సీజన్, నవరాత్రి మొదలైందినప్పటి నుండి క్రెడిట్ ఆధారిత చెల్లింపులు చాలా పెరిగాయి. వినియోగదారులు ఆన్‌లైన్ సేల్ ఈవెంట్లు మరియు EMI ఆఫర్లను ఉపయోగిస్తూ షాపింగ్ చేస్తున్నారు. అమెజాన్, ఫ్లిప్‌కార్ట్ వంటి ప్లాట్‌ఫారమ్‌లు ప్రత్యేక డీల్‌లు ఇచ్చాయి. అమెజాన్-SBI క్రెడిట్ కార్డు EMI డీల్‌లకు వినియోగదారుల మంచి స్పందన లభించింది.

టాప్ 10 మ్యూచువల్ ఫండ్స్ ఇవే

తాజాగా పెరుగుతున్న కో-బ్రాండెడ్ క్రెడిట్ కార్డులు (CBCCs) కూడా దీనికి కారణం. డిజిటల్ మార్కెట్ స్పేస్ కోసం ప్రత్యేకంగా రూపొందించిన ఈ కార్డులు రివార్డ్స్, షాపింగ్ ఇంటిగ్రేషన్ వంటి సౌకర్యాలు అందిస్తాయి. వీటికి డ్రైవింగ్ ఫోర్స్ భారత యువత, మిలీనియల్స్, Gen Z, ప్రొఫెషనల్స్. ఫస్ట్ జాబ్ వచ్చిన వెంటనే చాలా మంది క్రెడిట్ కార్డులు వాడడం ప్రారంభిస్తున్నారు. వీటిని ఖర్చులు నిర్వహించడం, రివార్డ్స్ సంపాదించడం, క్రెడిట్ ప్రొఫైల్ సృష్టించడం కోసం వాడుతున్నారు.

డిజిటల్ చెల్లింపులు ఇప్పుడు దేశంలో అన్ని చోట్ల వేగంగా విస్తరిస్తున్నాయి. FY25 (2024-25 ఆర్థిక సంవత్సరం)లో అర్బన్ ఇండియాలో ట్రాన్సాక్షన్ వాల్యూమ్ 35% పెరిగింది. అంటే నగరాల్లో ఎక్కువ మంది ప్రజలు డిజిటల్ పేమెంట్ మార్గాలను ఎక్కువగా ఉపయోగించారన్న విషయాన్ని చూపిస్తోంది. ముఖ్యంగా ఢిల్లీ, ముంబై, బెంగళూరు, హైదరాబాద్ వంటి ప్రధాన మెట్రో నగరాల్లో ఎక్కువగా ఉంది, ఎందుకంటే ఈ నగరాల్లో ఆన్‌లైన్ షాపింగ్, ఫైనాన్స్ టెక్నాలజీ వినియోగం ఎక్కువ.

కానీ, డిజిటల్ చెల్లింపులు కేవలం పెద్ద నగరాలకే పరిమితం కావడం లేదు. లక్నో, జైపూర్, అహ్మదాబాద్ వంటి మధ్యస్థ నగరాల ప్రజలు కూడా త్వరగా కొత్త చెల్లింపు టెక్నాలజీలను స్వీకరిస్తున్నారు. అంటే చిన్న నగరాల్లో కూడా UPI, క్రెడిట్/డెబిట్ కార్డులు, EMI, BNPL (Buy Now Pay Later) వంటి సౌకర్యాలు ఎక్కువగా వాడబడుతున్నాయి. ఇలా, చిన్న వస్తువుల కోసం UPI, పెద్ద ఖర్చుల కోసం క్రెడిట్ కార్డులు, BNPL వాడకం పెరుగుతూ భారతీయుల ఖర్చు అలవాట్లు కొత్త దిశలోకి వస్తున్నాయి.