UPI: ఇకపై ఫ్రాన్స్‌లోనూ UPI సేవలు.. మోదీ చేతులమీదుగా లాంచింగ్.. కానీ..

UPI: దేశంలో UPI సేవల వినియోగం రాకెట్ వేగంతో దూసుకుపోతోంది. ఈ విధానం ఎంతో సులభంగా, సురక్షితంగా ఉండటంతో వివిధ దేశాలు సైతం UPI నెట్‌వర్క్‌లో భాగస్వామ్యం కావడానికి ఆసక్తి చూపిస్తున్నాయి. ఈ లిస్టులో యూరోపియన్ దేశం ఫ్రాన్స్ కూడా ఉండటం గమనార్హం.

ఫాస్ట్ పేమెంట్ సర్వీస్ UPIని కేవలం దేశానికే పరిమితం చేయకుండా అంతర్జాతీయంగా విస్తరించాలని మోదీ ప్రభుత్వం దృఢ నిశ్చయంతో ఉంది. రక్షణ రంగానికి సంబంధించి చర్చల నిమిత్తం భారత ప్రధాని రెండు రోజుల పాటు ఫ్రాన్స్ లో పర్యటించనున్నారు. ఈ పర్యటనలోనే అక్కడ UPI సేవలు ప్రారంభించే అవకాశం ఉన్నట్లు తెలుస్తోంది. ఇరు దేశాల డిజిటల్ ఆర్థిక వ్యవస్థ అభివృద్ధికి ఇదొక గొప్ప ముందడుగుగా భావిస్తున్నారు.

ఈ ఏడాది ఫిబ్రవరిలో సింగపూర్‌లోనూ UPI సేవలు ప్రారంభించారు. భారత్‌కు చెందిన NPCIతో అక్కడి Paynow జకతట్టడంతో.. ఇరు దేశాల మధ్య క్రాస్ బోర్డర్ ట్రాన్సాక్షన్స్ ఊపందుకున్నాయి. ఫ్రాన్స్ ప్రభుత్వం కూడా ఇందుకు సహకరిస్తే UPI సేవలను కలిగిన మొదటి ఐరోపా దేశంగా అవతరించనుంది.

అన్ని ఒప్పందాలు సకాలంలో పూర్తయితే మోదీ రెండు రోజుల పర్యటనలోనే ఈ సేవలను ఫ్రాన్స్ లో ప్రారంభించే అవకాశం ఉంది. తద్వారా సింగపూర్ మాదిరిగానే ఫ్రాన్స్ కు సైతం మొబైల్ అప్లికేషన్స్ ద్వారా మనీ ట్రాన్సఫర్ చేసుకునే వీలు కలుగుతుంది. ఇది ఇండియాలోని ఫిన్‌ టెక్ ఇన్‌ఫ్రాస్ట్రక్చర్‌ అభివృద్ధిలో ఓ గొప్ప మైలురాయిగా నిలుస్తుందని అంచనా.