మీ లక్ ఎంటో చూస్కోండి.. రేపే HP టెలికాం కంపెనీ ఐపిఓ.. ఒక్కో షేరుకు రేట్ ఫిక్స్..

upcoming IPO ఫిబ్రవరి 20: ఇన్వెస్టర్లకు డబ్బు సంపాదించడానికి గొప్ప అవకాశం. HP టెలికాం కంపెనీ IPO ఫిబ్రవరి 20న అంటే రేపు సబ్‌స్క్రిప్షన్ ప్రారంభం కానుంది. HP టెలికాం ఇండియా లిమిటెడ్ IPO అనేది రూ. 34.23 కోట్ల ఫిక్స్డ్ ప్రైస్ ఇష్యూ. అంటే 31.69 లక్షల షేర్లతో పూర్తిగా తాజా ఇష్యూ. మీరు కూడా చాలా కాలంగా IPOలో డబ్బు పెట్టుబడి పెట్టాలని ఆలోచిస్తుంటే, ఇప్పుడు మీకు ఈ IPOలో పెట్టుబడి పెట్టడానికి మంచి అవకాశం ఉంది. ఈ IPO గురించి కొన్ని విషయాలు చూస్తే...

HP టెలికాం ఇండియా లిమిటెడ్ IPO ప్రైస్ బ్యాండ్
HP టెలికాం కంపెనీ IPO ధర సుమారు ఒక్కో షేరుకు రూ.108. కనీస లాట్ సైజు 1200. రిటైల్ పెట్టుబడిదారులకు అవసరమైన కనీస పెట్టుబడి మొత్తం రూ.1,29,600. HNIలకు కనీస లాట్ సైజు పెట్టుబడి 2 లాట్లు (2,400 షేర్లు) మొత్తం రూ. 2,59,200.

HP టెలికాం ఇండియా IPO లిస్టింగ్
HP టెలికాం ఇండియా IPO ఫిబ్రవరి 20న సబ్‌స్క్రిప్షన్ ప్రారంభమై ఫిబ్రవరి 24న సబ్‌స్క్రిప్షన్ ముగుస్తుంది. HP టెలికాం ఇండియా IPO షేర్స్ కేటాయింపు ఫిబ్రవరి 25న జరుగుతుందని భావిస్తున్నారు. HP టెలికాం ఇండియా IPO NSE SMEలో లిస్ట్ కానుంది. దీని లిస్టింగ్ ఫిబ్రవరి 28కి నిర్ణయించింది. HP టెలికాం ఇండియా IPOకి ఇంటరాక్టివ్ ఫైనాన్షియల్ సర్వీసెస్ లిమిటెడ్ బుక్-రన్నింగ్ లీడ్ మేనేజర్‌గా వ్యవహరిస్తుండగా, బిగ్‌షేర్ సర్వీసెస్ ప్రైవేట్ లిమిటెడ్ ఈ ఇష్యూకి రిజిస్ట్రార్‌గా ఉంది. HP టెలికాం ఇండియా IPOకి మార్కెట్ మేకర్ ఆఫ్టర్‌ట్రేడ్ బ్రోకింగ్ ప్రైవేట్ లిమిటెడ్.

కంపెనీ గురించి ముఖ్యమైన వివరాలు (HP టెలికాం ఇండియా IPO వివరాలు)
ఈ కంపెనీ మార్చి 2011లో స్థాపించబడింది. ప్రారంభంలో మొబైల్ ఫోన్లు ఇంకా ఆక్సెసోరిస్ డిస్ట్రిబ్యూషన్ పై దృష్టి పెట్టింది. 2014-15 ఆర్థిక సంవత్సరంలో గుజరాత్‌లో సోనీ LED టీవీలు, మొబైల్స్ ఇతర బ్రాండ్‌ల ప్రత్యేక డిస్ట్రిబ్యూషన్ హక్కులను కంపెనీ పొందింది. ప్రస్తుతం మధ్యప్రదేశ్, ఛత్తీస్‌గఢ్, ఉత్తరప్రదేశ్‌లోని సెలెక్ట్ చేసిన నగరాలు ఇంకా గుజరాత్‌లోని ప్రధాన నగర కేంద్రాలలో ఆపిల్ ఉత్పత్తులను డిస్ట్రిబ్యూషన్ చేయడానికి HP టెలికాం ఏకైక డిస్ట్రిబ్యూటర్. ఈ ప్రాంతాల్లోని టెక్ ప్రియుల కస్టమర్లను దృష్టిలో ఉంచుకుని కంపెనీ ఐఫోన్, ఐప్యాడ్, మాక్ ఇంకా ఆపిల్ వాచ్‌లతో పాటు ఇతర ఆపిల్ ప్రొడక్ట్స్ కూడా ప్రవేశపెట్టింది.

ఈ IPO ఫండ్ కంపెనీ ఎక్కడ ఉపయోగిస్తుంది?
ఈ IPO ఫండ్ సహాయంతో కంపెనీ కార్పొరేట్ లక్ష్యాలను నెరవేరుస్తు, వర్కింగ్ క్యాపిటల్ కోసం కూడా ఉపయోగిస్తుంది.

కంపెనీ ఆర్థిక పనితీరు
FY24లో కంపెనీ ఆదాయం రూ.1079.77 కోట్లు, పన్ను తర్వాత లాభం రూ.8.6 కోట్లు. అలాగే ప్రస్తుత ఆర్థిక సంవత్సరంలో 30 సెప్టెంబర్ 2024తో ముగిసే కాలం వరకు కంపెనీ ఆదాయం రూ. 594.19 కోట్లు & పన్ను తర్వాత లాభం రూ. 5.24 కోట్లు.